Me no aefa 4026 SM

”Ulö” mazui Satana, fadaʼawa ia wa tenga sinangea mamatörö Yehowa ba fasala lala wamatörönia. Ifabuʼu Yehowa wa tohare dania ”maʼuwu” mazui ngaʼötö, somama högö gulö andrö. (1 Moze 3:1-5, 15) Hizaʼi, itehegö ba niha Yehowa wamatörö faʼaurira ba zi lö arara barö wamatörö gulö andrö.

1943 SM

Ifatunö Yehowa khö Gaberahamo wa ”maʼuwu” nifabuʼu andrö samösa moroi ba ngaʼötönia.—1 Moze 22:18.

Me no aefa 1070 SM

Ifaduhuʼö Yehowa khö Razo Dawido hegöi ononia Selomo wa moroi ba ngaʼötöra dania tumbu ”maʼuwu” andrö.—2 Samueli 7:12, 16; 1 Razo 9:3-5; Yesaya 9:6, 7.

29 M

Ifaduhuʼö Yehowa wa Yesu andrö ”maʼuwu” nifabuʼu, Sanohugö dadaoma Dawido.—Galatia 3:16; Luka 1:31-33; 3:21, 22.

 33 M

Ulö andrö, Satana, daʼö zondrou börö sisi ”maʼuwu” andrö ba zi lö arara yaʼia me labunu Yesu. Yehowa zanusugi Yesu enaʼö auri ba zorugo. Aefa daʼö, itema höli soʼahonoa nibeʼe Yesu, si tobali dane-dane ba wangefaʼö horö hegöi ba wameʼe faʼauri si lö aetu ba ngaʼötö Gadamo.—1 Moze 3:15; Halöwö Zinenge 2:32-36; 1 Korindro 15:21, 22.

Te me 1914 M

Yesu zaniboʼö ulö andrö sotöi Satana ba gulidanö, ba lö ara ginötö nitehe khönia.—Famaʼeleʼö 12:7-9, 12.

Ba zi so miföna

Ikuru Zatana andrö Yesu sagötö zi 1.000 fakhe waʼara, aefa daʼö ibunu, hulö na imama högö. Alua gohitö dödö Yehowa ba gulidanö hegöi ba niha, teʼamoniʼö döinia moroi ba wangoʼaya, ba oroma wa ha famatörönia wondrege zi sökhi.—Famaʼeleʼö 20:1-3, 10; 21:3, 4.