Hadia Tebai Lafaigi Film, Buku, mazui Sinunö Ira Samaduhuʼö Yehowa?
Tola. Organisasi ndra samaduhuʼö Yehowa lö lafare-fareso nösi film, buku, mazui sinunö ba wotatugöi hezo zi tola awö zi tebai ifalua zi samösa niha. Hadia mbörö?
Sura Niʼamoniʼö zamarou ero samösa niha Keriso enaʼö lafomaha ’fangera-ngerara’ ba wamaehusi satulö ba si lö atulö.—Heberaiʼo 5:14.
So göi ba Zura Niʼamoniʼö goi-goi si tola laʼangeragö ira niha Keriso ba ginötö lafili hiburan. a Simane nifaluama tanö böʼö ba waʼaurima, ba daʼa göi omasiga na ’matimba tödöma’ hadia zomasi Yesu.—Efeso 5:10.
Sura Niʼamoniʼö zangumaʼö wa ira matua zi tobali högö ba nösi nomonia. Börö daʼö, yaʼia zinangea mangai angetula hadia film, buku, mazui sinunö si tola lafaigi ba lafalua yaʼira si sambua omo. (1 Korindro 11:3; Efeso 6:1-4) Baero nösi nomo, lö si tola motatugöi hadia film, sinunö, mazui artis si tola awö zi tebai khö ndra Samaduhuʼö.—Galatia 6:5.
a Duma-dumania, ba Zura Niʼamoniʼö niʼelifi niha samalua fakelemusa, sohorö, ba faʼudusa.—5 Moze 18:10-13; Efeso 5:3; Kolose 3:8.
Te Göi Adöni Dödöu
ANIMASI WAFA WANURA
Famai Game: Hadia Lua-luania Khöu?
Tola omuso dödöda na famai game, hiza’i tola göi möi fama’ala wa’aurida. Na simanö, hewisa ena’ö lö möi fama’alamö game?
SPECIAL CAMPAIGN
Tandraigö Wamaha’ö Nifaluama
Faha’ö ndra’ugö ba Zura Ni’amoni’ö khö zi samösa samaha’ö, lö mu’andrö gefe.