Lafalua. Gofu hezo toröiga, fefu ndra Samaduhuʼö Yehowa owölö-ölö manuriaigö, ba asese madunö-dunö wamatima ba niha nifalukhaisima.​—Mataiʼo 28:19, 20.

 So ndra Samaduhuʼö Yehowa zi findra ba mbanua tanö böʼö si so ba soinia, ba wanuriaigö turia somuso dödö moroi ba Zura Niʼamoniʼö ba niha si lö irai mamondrongo. So göi zi findra ba soi tanö böʼö ba wondrouʼö halöwö fanuriaigö. Omuso sibai dödöra ba wamalua hadia zi no ifaʼeleʼö Yesu, ”tobali ami samaduhuʼö khögu . . . irugi wondrege danö”.​—Halöwö Zinenge 1:8.

 Me döfi 1943, mafosindro zekola ba wamahaʼö ira talifusö nifatenge ba soi tanö böʼö ba wanuriaigö, lafotöi ira utusan injil. Iʼotarai daʼö töra 8.000 Samaduhuʼö Yehowa zi no tefahaʼö ba zekola andre. Lafotöi sekola andre yaʼia daö Sekolah Alkitab Gilead Menara Pengawal.