Tola latolo ndraʼugö ira Samaduhuʼö Yehowa ba wanöndra bua moroi ba Zura Niʼamoniʼö. Program wamahaʼö ba Zura Niʼamoniʼö nifaluama tola tobali fanolo khöu ba wangokhögö:

•   Faʼohahau dödö ba waʼauri

•   Fahuwusa khö Lowalangi

•   Faʼaboto ba dödö sanandrösa ba mbuʼusa li salua ba zi so miföna nisura ba Zura Niʼamoniʼö

Ba artikel daʼa, itutunö:

•  Hewisa wamalua famahaʼö ba Zura Niʼamoniʼö?

•  Hauga gefe sinangea mubeʼe?

•  Hawaʼoya ginötö niʼogunaʼö ba wamalua famahaʼö?

•  Hewisa lala enaʼö tola fao ndraʼo ba program wamahaʼö ba Zura Niʼamoniʼö andre?

•  Hadia tola utandraigö wamalua yaʼia sakali?

•  Na fao ndraʼo ba program wamahaʼö ba Zura Niʼamoniʼö, hadia lafaso ndraʼo tobali Samaduhuʼö Yehowa?

•  Hadia tola uʼogunaʼö Zura Niʼamoniʼögu samösa?

•  Hadia tola ukaoni niha böʼö wefao khögu ba program wamahaʼö ba Zura Niʼamoniʼö?

•  Na no irai ufahaʼödo khö ndra Samaduhuʼö Yehowa, hadia tola ufuli ufahaʼödo nasa?

•  Hadia tola ufahaʼödo samösa ba Zura Niʼamoniʼö hewaʼae na lö latolo ndraʼo ira Samaduhuʼö Yehowa?

 Itolo ndraʼugö samösa Samaduhuʼö Yehowa ba wamahaʼö yaʼugö ba Zura Niʼamoniʼö ero sambu-sambua tuho. Miʼogunaʼö dania mbuku Lala ba Wanöndra Faʼohahau Dödö Sagötö Faʼara! Moroi ba mbuku andrö, tola öʼila hadia manö wamahaʼö si so ba Zura Niʼamoniʼö ba hadia mbuania khöu. Enaʼö tola öʼila danö böʼönia nasa, faigi video daʼa.

 Lö laʼandrö gefe. Ira Samaduhuʼö Yehowa la’o’ö wanuturu lala nibe’e Yesu khö ndra nifahaʼönia, ”Lö nibeʼemi böli me mitema, andrö na mibeʼe göi böi miʼandrö mböli.” (Mataiʼo 10:8) Baero da’ö, lö moguna öbeʼe gefe ba wangokhögö Sura Niʼamoniʼö hegöi buku Lala ba Wanöndra Faʼohahau Dödö Sagötö Faʼara!

 So 60 wamahaʼö si no mufaʼanö ba mbuku Lala ba Wanöndra Faʼohahau Dödö Sagötö Faʼara! Tola ötatugöi samösa hawaʼoya öfahaʼö ndraʼugö ero na mufalua wamahaʼö. Ato niha somasi mamahaʼö yaʼira ba zi sambua famahaʼö mazui töra ero migu.

1.  1. Foʼösi formulir secara online. Data pribadi si no ösura, laʼogunaʼö da’ö ira Samaduhu’ö Yehowa ha ba wohubungi yaʼugö.

2.  2. Ihubungi ndraʼugö dania samösa Samaduhuʼö Yehowa. Itutunö khöu dania hewisa wamalua famahaʼö ba Zura Niʼamoniʼö. Ibeʼe göi khöu wanema li moroi ba wanofu-nofumö.

3.  3. Tatugöi samösa hewisa lala ba wamalukhaisi yaʼugö ba hawaʼara öfahaʼö ndraʼugö ba Zura Niʼamoniʼö. Tola ötatugöi samösa hadia möi ndra Samaduhuʼö Yehowa ba wamalukhaisi yaʼugö. Mazui, tola öfili wangogunaʼö telefo, video call, sura, mazui e-mail ba wamahaʼö yaʼugö ba Zura Niʼamoniʼö. Si toʼölönia, mufalua wamahaʼö mato sambua za waʼara. Hizaʼi, tola göi töra sambua za mazui ambö moloʼö inötö si tefaudu khöu.

 Tola. Ba wamalua daʼö, moguna öfoʼösi formulir-nia secara online. Ba ginötö ihubungi ndraʼugö samösa Samaduhuʼö Yehowa, fatunö khönia wa omasiʼö ötandraigö ua sakali wamahaʼö ba Zura Niʼamoniʼö khö ndra Samaduhuʼö Yehowa. Ibeʼe khöu dania brosur Lala ba Wanöndra Faʼohahau Dödö Sagötö Faʼara!, ösinia ha tölu wamahaʼö. Ba ginötö öʼogunaʼö brosur daʼa, tola ötatugöi samösa hadia omasiʼö ötohugö wamahaʼö yaʼugö mazui löʼö.

 Löʼö. Omasi ndra Samaduhuʼö Yehowa ba wamahaʼö niha sanandrösa ba Zura Niʼamoniʼö. Hizaʼi, lö irai mafaso niha enaʼö fao ira khöma. Mafosumange gangetula ero samösa niha ba wotatugöi hadia nifaduhusinia tödö.—1 Fetero 3:15.

 Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Ato niha sabölö omasi mangogunaʼö famoʼeluaha Zura Niʼamoniʼö sasese labaso. Yaʼaga samösa maʼogunaʼö Mbuku Niʼamoniʼö Famoʼeluaha Gulidanö si Bohou, börö me alio aboto ba dödöda nösinia ba tefaudu wamoʼeluaha yaʼia.

 Tola ökaoni zi fahuwu khöu mazui fefu nösi nomomö.

 Tola. Te abölö adöni dödöu ba wamahaʼö yaʼugö ba Zura Niʼamoniʼö nifalua iadaʼa, börö me no mufaudugö lala wamalua yaʼia ba zalua ba niha iadaʼa. Ba program wamahaʼö ba Zura Niʼamoniʼö iadaʼa, oya muʼogunaʼö gambara hegöi video irege itugu adöni dödöda.

 Tola. Sindruhu sa, ato niha sorasoi wa abölö ebua mbua nitemara na lafahaʼö ira khö ndra Samaduhuʼö Yehowa. Hizaʼi, so göi ösa zofili ba wamahaʼö yaʼira samösa ba Zura Niʼamoniʼö. Ba halaman Bantuan untuk Belajar Alkitab a, so ngawalö zi no muhenaigö si tola möi fanolou ba wamahaʼö yaʼugö samösa ba Zura Niʼamoniʼö. Fefu daʼö tola öfaigi ba lö muʼandrö gefe. Si no muhenaigö yaʼia daʼö:

•   Video si teʼodane-dane ba Zura Niʼamoniʼö. Daʼa video sadogo-dogo sanutunö dane-dane wamahaʼö ba Zura Niʼamoniʼö.

•   Pertanyaan Alkitab Dijawab. Ba faosatö daʼa, so artikel sanutunö fanema li Zura Niʼamoniʼö ba ngawalö wanofu-nofu.

•   Ayat Alkitab Dijelaskan. Ba faosatö daʼa, so ngawalö artikel sanutunö eluaha ayati hegöi ngawua wehede si tehöngö ba Zura Niʼamoniʼö.