Faduhu dödöma. Faduhu dödöma khö Yesu sangumaʼö, ”Yaʼodo lala, yaʼodo waʼaduhu, ba yaʼodo waʼauri. Lö sondrugi Ama na lö itörö ndraʼo.” (Yohane 14:6) Faduhu dödöma wa moroi ba zorugo Yesu me möi ia ba gulidanö, ba no ibeʼe waʼaurinia soʼahonoa tobali höli. (Mataiʼo 20:28) Börö waʼamate ba femaosonia wa tola lasöndra waʼauri si lö aetu dozi samati khönia. (Yohane 3:16) Faduhu göi dödöma wa no tobali Razo Yesu ba Wamatörö zorugo khö Lowalangi, si lö ara tö ba wolohe faʼatulö ba zi sagörö ulidanö. (Famaʼeleʼö 11:15) Hizaʼi, faduhu dödöma khö Yesu me imane, ”Abölö ebua Nama moroi khögu.” (Yohane 14:28) Andrö lö mangalulu ndraʼaga khö Yesu, ba lö faduhu dödöma wa yaʼia Lowalangi Fondrege Zabölö.