Löʼö. Zuta waʼato niha si no irai auri me föna si tenga Samaduhuʼö Yehowa so khöra wanötöna wa teʼorifi ira dania. Itutunö Sura Niʼamoniʼö wa ”so wanusugi niha si no mate, he satulö he si lö atulö” ba gulidanö si bohou nifabuʼu Lowalangi. (Halöwö Zinenge 24:15) Baero daʼö, ato niha iadaʼa tola manö dania labörögö ba wamosumange Lowalangi, ba teʼorifi göi ira dania. Hizaʼi, tebai mahuku haniha zinangea niʼorifi mazui nifakiko börö me Yesu si tola mamalua halöwö daʼö.—Yohane 5:22, 27.