Latema, omasi ndra Samaduhuʼö Yehowa ba wanema dalu-dalu moroi ba rumah sakit. Hewaʼae maforege wozago botoma enaʼö lö mofökhö, itaria ’moguna khöma doto’. (Luka 5:31) Simane Luka, samösa niha Keriso ba abad siföföna, so göi ba gotalua ndra Samaduhuʼö Yehowa zi tobali doto.—Kolose 4:14.

 Hizaʼi, so fodalu-daluni moroi ba rumah sakit si lö tefaudu ba goi-goi Zura Niʼamoniʼö, andrö wa lö matema. Duma-dumania, lö matema transfusi darah börö no iwaʼö ba Zura Niʼamoniʼö wa tebai taʼogunaʼö ndro. (Halöwö Zinenge 15:20) Baero daʼö, lö itehegö Sura Niʼamoniʼö wameʼe dalu-dalu mbanua si fao fakelemusa.—Galatia 5:19-21.

 Hewaʼae simanö, oya famadöhö fökhö moroi ba rumah sakit si lö fatimba ba goi-goi Zura Niʼamoniʼö. Andrö, yaʼita samösa zofili. Tola manö so samösa Samaduhuʼö Yehowa itema zi sambalö fameʼe dalu-dalu, so göi Samaduhuʼö Yehowa tanö böʼö lö omasi ia ba wanemaʼö dalu-dalu daʼö.—Galatia 6:5.