Hana Wa Lö Lafotöi Gereja Nahia Gongowuloa Ndra Samaduhuʼö Yehowa?
Ba Zura Niʼamoniʼö, ngawua wehede ”gereja” ba li Yunani manandrösa ia ba niha sowulo ba wamosumange Lowalangi, tenga nahiania.
Faigi duma-duma andre: Me ibeʼe zurania Faulo ba niha Keriso si so ba Roma, ifaʼoheʼö wangowainia ba zi sambua ngambatö sotöi Firisikila ba Akila ba aefa daʼö imane, ”Ba miʼowai gereja andrö yomo khöra.” (Roma 16:5, Contemporary English Version). Nehegö wa tenga nahiania niʼowaʼi Waulo. Hizaʼi, niʼowainia yaʼia daʼö niha mazui ira talifusö sangondrasi omo andrö. a
Daʼö mbörö wa lö mafotöi gereja nahia gangowuloama. Hizaʼi, mafotöi ia ”Balai Mbanua Lowalangi”.
Hana wa Mufotöi ia ”Balai Mbanua Lowalangi Samaduhuʼö Yehowa”?
Tefaudu döi daʼö börö me:
Nahia andrö fakhili ira balai pertemuan.
Ba daʼö, mafosumange Lowalangi niwaʼö ba Zura Niʼamoniʼö, yaʼia daʼö Yehowa, ba mafaduhuʼö ia.—Zinunö 83:19; Yesaya 43:12.
Owulo ndraʼaga ba daʼö ba wamahaʼö yaʼaga sanandrösa ba Wamatörö Lowalangi, sasese itöi-töi Yesu.—Mataiʼo 6:9, 10; 24:14; Luka 4:43.
Ondrasi Balai Mbanua Lowalangi sahatö ba nomomö ba wamaigi samösa hewisa na owulo ndra Samaduhuʼö Yehowa ba wamosumange Lowalangi.
a So göi ba ayati tanö böʼö simane 1 Korindro 16:19; Kolose 4:15; ba Filemo 2.
Te Göi Adöni Dödöu
SASESE LASOFU NIHA
Hewisa Wamöföʼö Banua Niha Keriso Ndra Samaduhuʼö Yehowa?
Faigi hezo moroi wanuturu lala ba angombakhata nibeʼe khöma.
SANANDRÖSA KHÖMA
Ondrasi Gangowuloa
Faha’ö ndra’ugö sanandrösa ba gangowuloama. Alui nahia gangowuloama sahatö ba mbanua si so ya’ugö.