Haniha Zamasindro Samaduhuʼö Yehowa?
Tebörögö waö-waö ndra Samaduhuʼö Yehowa ba ginötö andre ba gafuriata abad si-19. Me luo daʼö, so ngawawa ono zekola Zura Niʼamoniʼö si lö atoto si toröi ba Pittsburgh, Pennsylvania, hegöi Amerika Serikat, samörögö wamareso ösi Zura Niʼamoniʼö. Laʼalui hadia zi faböʼö moroi ba wamahaʼö nibeʼe ba gereja faoma famahaʼö moroi ba Zura Niʼamoniʼö. Hadia zi no aboto ba dödöra lafaʼanö ba mbuku, ba koran, hegöi ba jurnal, mufotöi ia iadaʼa Manuriaigö—Famatörö Yehowa.
Ba gotalua ngawawa ono zekola Zura Niʼamoniʼö so samösa ndra matua sotöi Charles Taze Russell. Hewaʼae me luo daʼö Russell zondröniaʼö halöwö famahaʼö ba Zura Niʼamoniʼö, ba yaʼia si tobali editor si oföna ba majalah Manuriaigö, hizaʼi yaʼia tenga samasindro agama si bohou. Ohitö dödö Russell hegöi ono zekola Zura Niʼamoniʼö, töira me luo daʼö, yaʼia daʼö ba wangombakha hadia nifahaʼö Yesu Keriso, hegöi ba woloʼö nifalua niha Keriso ba abad siföföna. Börö me Yesu zamasindro agama niha Keriso, faduhu dödöma wa yaʼia zamasindro organisasima.—Kolose 1:18-20.