Gödo sebua khöma so ba Amerika Serikat. Hizaʼi, tenga sekte moroi ba Amerika ndraʼaga, börö me:

•   So ösa zangumaʼö wa sekte geluahania sambua angowuloa si no fabali ba agama sebua. Ira Samaduhuʼö Yehowa lö irai lafabali ira moroi ba agama tanö böʼö. Hizaʼi, moloʼö yaʼaga no mafuli mafasindro agama niha Keriso si no irai so abad siföföna.

•   Ira Samaduhuʼö Yehowa manuriaigö ira ba zi töra 230 soi. Gofu hezo toröi ndraʼaga, abölö maʼofönaiʼö ba waʼaurima mangalulu khö Lowalangi Yehowa ba khö Yesu Keriso, tenga khö ndra famareta si so ba Amerika mazui famareta tanö böʼö.—Yohane 15:19; 17:15, 16.

•   Fefu wamahaʼöma teʼodane-dane ba Zura Niʼamoniʼö, tenga ba nisura ndra sondröniaʼö ba agama ba Amerika.​—1 Tesalonika 2:13.

•   Maʼoʼö Yesu Keriso tenga niha gulidanö, gofu hania ia.​—Mataiʼo 23:8-10.