Mangondrasi Betieli

Si fao faʼomuso dödö makaoni ndraʼugö ba wangondrasi gödo ndraha khöma, nifotöi Betieli. Ba zi hauga gödo ndraha khöma, so pameran si tola öfaigi.

Mufuli Mutehegö We’amöi Tur: Ba ngawalö soi, mufuli mufalua tur ba gödo ndraha khöda i’otarai 1 mbaŵa si Önö 2023. Ena’ö ö’ila danö bö’önia nasa, hubungi gödo ndraha somasi’ö ö’ondrasi. Böi möi’ö tur na no göna ndra’ugö COVID-19, mofa’aukhu, göna ndra’ugö flu, mazui no fakhamö fariawö ndra’ugö ba niha si positif COVID-19.

Alui Nahia

Kuba

Informasi Tur

Hadia moguna öfazökhi permohonan fatua lö möi tur? Moguna. Ena’ö lö talafo ato niha ba nahia tur ba ohahau göi dödö niha si möi ba da’ö, ma’andrö ba zomasi möi ena’ö mifazökhi permohonan ua sakali, gofu hawa’ato zi fao khömö. Matötöna ena’ö no mifa’ohe’ö permohonanmi si lö’ö-lö’önia samigu fatua lö mifalua tur. Na omasi ami mifalua tur ba ginötö libur sekola mazui möi ami manörö-nörö, matötöna ena’ö no ara mifa’ohe’ö permohonanmi.

Na lö mufazökhi permohonan, hadia hasambalö latema’ö ndra’ugö we’amöi tur? Na lö öfazökhi permohonan ua sakali, tola manö matema’ö ndra’ugö. Hiza’i, no mutatugöi hawa’ato zangondrasi ero ma’ökhö si tefaudu ba wa’ebua nahiania.

Hawa’ara tola möi’ö ba nahia tur? Ena’ö lö talafo ato niha ba nahia tur, ma’andrö ena’ö tohare ndra’ugö 15 menit fatua lö öbörögö tur.

Hewisa wamazökhi permohonan we’amöi tur? Na ambö dafulu niha zi fao khömö ba tur, klik tombol ”Fazökhi Permohonan—Ambö 10 Niha”. Na dafulu niha mazui töra zi fao khöu, ma’andrö ena’ö ö’oguna’ö informasi tanö tou ba wohubungi ya’aga.

Hadia tola öbulö’ö mazui lö a’ozu möi’ö hewa’ae na no öfazökhi permohonan? Tola. Klik tombol ”Faigi mazui Tukari Permohonan”.

Hewisa na no afönu jadwal tur ba tanggal somasi’ö? Böi böhöli wamaigi situs web da’a. Na so tur tanö bö’ö sombulö’ö inötönia mazui si lö a’ozu tur ba tanggal da’ö, tola öfuli öfazökhi permohonan.

Fazökhi Permohonan—Ambö 10 niha

Faigi mazui Tukari Permohonan

Download Brosur Soguna ba Tur