KAKANO KUA AOGA AI: Ke talia e Iehova, lata he tau tagata fakaako he Tohi Tapu ke tukulele e tau momoui ki a Ia ti papatiso. (1Pe 3:21) Moua e lautolu ne momoui fakatatau ke he tukuleleaga ha lautolu e huaga fakaagaaga. (Sal 91:1, 2) Ko e tukuleleaga he Kerisiano ki a Iehova, nakai ke he tagata, gahua, po ke fakatokatokaaga. Ko e mena ia, lata he tau tagata fakaako ke feaki e fakaalofa mo e loto fakaaue ma e Atua.​—Rom 14:7, 8.

PUHALA KE TAUTE AI:

• He fakaakoaga, fakatutala ke he tau mena hagaao ki a Iehova. Eketaha ke totou e Tohi Tapu he tau aho takitaha mo e liogi “nakai noa” ki a Iehova.​—1Te 5:17; Ia 4:8

• Fakamafana e tagata fakaako ke eke e tukuleleaga mo e papatisoaga mo tau foliaga fakaagaaga. Lagomatai foki a ia ke hokotia ke he tau foliaga ikiiki, tuga e tali he tau feleveiaaga po ke fakamatala ke he tau katofia mo e tau kapitiga gahua. Manatu na nakai fakaohooho e Iehova ha tagata ke fekafekau ki a ia. Ko e fifiliaga fakatagata e tukuleleaga.​—Teu 30:19, 20

• Omoomoi e tagata fakaako haau ke taute e tau hikiaga kua lata ke fakafiafia a Iehova ti hokotia ke he papatisoaga. (Ftai 27:11) Ha kua hufia lahi e falu aga mo e mahani ke he tagata fakaako Tohi Tapu, ti lata a ia ke lagomatai tumau ke tuku kehe e tagata tuai mo e tapulu ke he tagata foou. (Efe 4:22-24) Fakakite ki a ia e tau vala tala mai he fufuta Kolo Toko, “Hiki he Tohi Tapu e Tau Momoui”

• Tala age ki a ia e olioli ne moua e koe he fekafekau ki a Iehova.​—Isa 48:17, 18