He tau tau takitaha, ko e mau amaamanaki ma e galue fakaagaaga kua moua e tautolu ke he tau fonoaga ha tautolu. Ke maeke foki he falu ke kamata e mitaki ha Iehova, to uiina e tautolu e tokologa ke fakalataha mo tautolu. (Sal 34:8) Igatia e kau he tau motua mo e fifili e puhala mitaki lahi ke fakaaoga aki e tau uiina.

• Magaaho fe e fonoaga haaku?

• Magaaho fe ka kamata ke taute e matagahua he matakavi?

• Magaaho fe ka taute e tau feleveiaaga ke he gahua he fonua?

• Ko e heigoa e tau foliaga haaku ma e matagahua?

• Ko hai kua amanaki au ke uiina?

Ka oti e fakafeleveia mahani mau, liga pehē a koe:

“Fai vala a mautolu he matagahua uho lahi ke he lalolagi katoa ke tufatufa e uiina nei ke he matafekau uho lahi. Ko e aho, tulā, mo e matakavi ne kua tohi he uiina. Fiafia a mautolu ka fakalataha mai a koe.”

Pete he manako a tautolu ke uiina e tau tagata tokologa ke he fonoaga, kua lata a tautolu ke mataala ke feaki e fiafia ne fakakite.

He tau matahiku vahātapu, maeke a koe ke foaki e mekasini fakalataha mo e uiina.