Tali mai he Ianuari 2016, ko e kili i tua he fufuta ma e fonua he Ko e Kolo Toko ne fakakite “Ko e Heigoa ne Talahau he Tohi Tapu?” Ko e vala foou nei ne kua talaga ke lagomatai a tautolu ke kamata e tau fakatutalaaga ke he tau matakupu Tohi Tapu. Ko e fakatokaaga kua tuga e tau tuleke ha tautolu. Ha ha i ai e hūhū fakalagalaga ne fai tali faka-Tohi Tapu ki ai, ti pihia mo e falu manatu ma e fakatutalaaga.

Ko e tau fakatutalaaga mitaki ke he tau matakupu faka-Tohi Tapu kua fa takitaki ke he tau fakaakoaga Tohi Tapu. Fakaaoga e vala foou nei ke lagomatai foki e tokologa ke fakamakona e hoge fakaagaaga ha lautolu.​—Mat 5:6.

1. Hūhū ke he manatu he tagata he kaina hagaao ke he taha he tau hūhū

2. Fanogonogo mo e fakaaue ke he tali haana

3. Totou e kupu tohi i lalo he mataulu “Talahau he Tohi Tapu,” ti hūhū ke he tau manatu haana ke he kupu tohi. Ka fai magaho a ia, matutaki e fakatutalaaga he fakaaoga e manatu i lalo he mataulu “Ko e Heigoa Foki ha Tautolu ka Fakaako Mai he Tohi Tapu?”

4. Foaki e mekasini

5. Fakatoka ke liu atu mo e fakatutala ke he hūhū ke uaaki