Ko e amaamanakiaga kua tuga e taula. (He 6:19) Lagomatai a tautolu ke kalo mai he tukia moumou fakaagaaga ka fehagai mo e tahi loka. (1Ti 1:18, 19) Ko e tahi loka kua putoia e fakalolelole, galo he tau koloa tino, leva e gagao, mate he fakahele, po ke ha tuaga ne fakakelea e mahani fakamooli ha tautolu.

Ko e tua mo e amaamanakiaga kua lagomatai a tautolu ke kitia maali e maveheaga he taui. (2Ko 4:16-18; He 11:13, 26, 27) Pete ko e amaamanakiaga ke moui he lagi po ke he lalolagi, lata a tautolu ke fagai tumau he manamanatu fakahokulo ke he tau maveheaga ne tohi he Kupu he Atua. Ka fehagai ai mo e tau kamatamata, to mukamuka ke fakatumau e fiafia ha tautolu.—1Pe 1:6, 7.

KITEKITE E VITIŌ FIAFIA KE HE AMAAMANAKI, TI TALI E TAU HŪHŪ I LALO:

• Ko e ha a Mose ko e fakafifitakiaga mitaki ke muitua ki ai?

• Ko e heigoa e matagahua he tau ulu he magafaoa?

• Ko e heigoa e tau matakupu ka manamanatu a koe ke lata ma e tau matagahua he Tapuakiaga he Magafaoa?

• Lagomatai fēfē he amaamanakiaga a koe ke fehagai mo e mauokafua ke he tau kamatamata?

• Ko e heigoa kua amaamanaki a koe ki ai?