Nakai la leva ato hoko e Paseka he tau 32 V.N., ne taute e Iesu e mana, ko e mana ni anei ne putoia e tau Evagelia tokofā.

Ha ko e mana nei, fakatoka e Iesu e puhala ne kua matutaki a ia ke muitua ki ai he vahā ha tautolu.

14:16-21

• Tala age e Iesu ke he tau tutaki haana ke fagai e lanu tagata pete ne lima e areto mo e ua e ika

• Uta e Iesu e tau areto mo e tau ika ti mole e liogi ne kamata a ia ke age ke he tau tutaki ti age he tau tutaki ke he lanu tagata

• Ne lahi mahaki e mena kai ke fagai e tau tagata oti. Fagai e Iesu e tokoafe ke he puhala he tau lima he tokogahoa, haana tau tutaki

• Ne pehē a Iesu to kotofa e ia e fekafekau ke foaki e “tau mena kai [fakaagaaga] ke he tau magaaho [tonu].”​—Mat 24:45

• He 1919 ne kotofa e Iesu e “fekafekau fakamoli mo e loto matala,” ko e matakau tote he tau matakainaga taane fakauku ke leveki haana “tau fekafekau,” ko lautolu haia ne moua e tau mena kai fakaagaaga

• Ha ko e matakau tote nei he tau matakainaga taane fakauku, kua muitua a Iesu ke he puhala ne fakatoka e ia he senetenari fakamua

Fakakite fēfē kua mailoga mo e fakalilifu e au e puhala ne fakaaoga e Iesu ke fagai fakaagaaga e tau tagata?