He nofo a Iesu ke he lalolagi, ne peehi e ia e poakiaga: “Kia fakalilifu a koe ke he hau a matua tane, mo e hau a matua fifine.” (Eso 20:12; Mat 15:4) Ha ha mooli ia Iesu e atāina ke tutala ha kua tumau ni e “omaoma” haana ke he tau matua he vahā fuata. (Luk 2:51) He lahi a ia, eketaha a ia ma e magaaho ka mole e mate haana ke moua he matua fifine haana e levekiaga.​—Ioa 19:26, 27.

He vahā ha tautolu foki, ko e tau fuata Kerisiano ne omaoma ke he tau matua ha lautolu mo e vagahau fakatokolalo ki ai kua fakalilifu a lautolu. Ko e poakiaga ke fakalilifu e tau matua ha tautolu kua nakai fai fakakaupāaga. Pete ne momotua foki e tau matua ha tautolu, lata ke matutaki ke fakalilifu a lautolu he fakaaoga e pulotu ha lautolu. (Ftai 23:22) Fakalilifu foki e tautolu e tau matua momotua he leveki e tau logonaaga mo e tuaga fakatupe ha lautolu ka lata. (1Ti 5:8) He fuata po ke momotua a tautolu, ko e fakatumau e matutakiaga mitaki mo e tau matua ko e matapatu kakano ke fakalilifu a lautolu.

KITEKITE E VITIŌ KŪ HE LAPA PUHALA FE KE TUTALA AU KE HE TAU MATUA HAAKU? TI TALI E TAU HŪHŪ NĀ:

• Ko e ha ne liga uka ia koe ke tutala ke he tau matua haau?

• Maeke fēfē a koe ke fakalilifu e tau matua haau ka tutala ki a lautolu?

• Ko e ha kua aoga lahi ke lali ke tutala ke he tau matua haau? (Ftai 15:22)