Fakaaoga e Iesu e tau fakatai ke fakakite e hagahaga kelea lahi he fakatupetupe po ke fakatupu e falu ke tupetupe.

18:6, 7

• Ko e “mena ke tupetupe ai” kua hagaao ke he gahua po ke tuaga ne takitaki e tagata ke muitua e puhala hepe, ke tupetupe po ke lauia ke he mahani feuaki, po ke agahala

• Ko e tagata ne fakatupetupe e taha kua laukauka ki a ia ke tau e makaholo ke he haana kākia mo e fakatomo hifo ke he moana

18:8, 9

• Fakatonu e Iesu e tau tutaki haana ke utakehe foki ha mena uho tuga e lima po ke mata kaeke kua fakatupu a lautolu ke tupetupe

• Mitaki ke tiaki e mena tokiofa ia mo e hū atu ke he Kautu he Atua ka e nakai taofi mau ki ai ti liti ki Kehena, ko e fakamailoga he moumouaga tukulagi

Ko e heigoa he moui haaku ka eke mo mena ke tupetupe, ti maeke fēfē au ke nakai fakatupetupe a au po ke falu?