Ko e talaga he faituga ha Isaraela ne lata mo e lahi he gahua ti lahi e totogi. Ka e lalago he tau Isaraela e gahua mo e makai. (1No 29:2-9; 2No 6:7, 8) He mole e mau he faituga, ne fakakite he levekiaga he tau Isaraela ha lautolu a tuaga fakaagaaga po ke nakai. (2Pa 22:3-6; 2No 28:24; 29:3) He vahā nei, ne lahi e magaaho mo e gahua ne tuku he tau Kerisiano ke he talagaaga, fakameā, mo e leveki he tau Fale he Kautu mo e Tau Fale Toloaga. Ka ko e gahua fakalataha mo Iehova he puhala nei ko e lilifu ue atu ti ko e vala he ha tautolu a fekafekauaga tapu.​—Sal 127:1; Fki 7:15.

• Fakameā ka hili e tau feleveiaaga takitaha. Ka fakakaupā e tuaga haau, mitaki ke lagalagaki e tau mena ne takatakai viko he nofoa haau.

• Fakalataha tumau he fakameā mo e leveki e Fale he Kautu. Limalima auloa to fiafia mo e mukamuka e gahua.​—lv-E 92-93 ¶18.

• Foaki e lalagoaga fakatupe. Ko e tuku “ua e tupe ikiiki” mai he loto kua fakafiafia a Iehova.​—Mar 12:41-44.

• Foaki noa ke lagomatai ke talaga mo e fakafoou e tau fale fakateokarasi ka maeke he tau tuaga haau. Ko e iloilo ke talaga ne nakai ko e fakatokaaga ke fai vala.