Ko lautolu ne manako ke eke mo tau tagata he Kautu he Atua kua lata ke fakaako hagaao ke he Kautu mo e puhala kua fakamooli ai. Ko e ha? To nakai ni fakamalolō he mena nei e tua ha lautolu kua pule e Kautu he Atua ka e puna foki ke he tau loto ha lautolu ke tala age ke he falu e tala mitaki he Kautu he Atua. (Sal 45:1; 49:3) He kitekite ai e vitiō The Kingdom​—100 Years and Counting, kumi e tau tali ke he tau hūhū nā:

1. Ko e ha e “Photo-Drama of Creation” ne monuina ki a lautolu ne kitekite ai?

2. Fakaaoga fēfē e letiō ke hokotia e tala mitaki ke he tau tagata?

3. Ko e heigoa falu puhala ne fakaaoga ke fakamatala e tala mitaki, ti ko e heigoa e fua?

4. Holo ki mua fēfē e fakamahani ke lata ma e fekafekauaga he tau tau loga?

5. Ko e heigoa e fakamahani aoga ne taute ma e tau tagata fakaako he Aoga Kiliata?

6. Ko e heigoa e matagahua he tau fonoaga ke fakaako e tau tagata ha Iehova?

7. Ko e heigoa ne fakamooli ki a koe kua pule e Kautu he Atua?

8. Fakakite fēfē e lalagoaga ha tautolu ma e Kautu he Atua?