Ko e tau matua matakutaku Atua kua manako lahi ke kitia e tau fanau ha lautolu kua eke mo tau fekafekau fakamooli ha Iehova. Maeke e tau matua ke lagomatai a lautolu ke taute pihia he fakaako e tau fakaakoaga he Tohi Tapu ke hokotia ke he tau loto he tau fanau mai he vahā ikiiki. (Teu 6:7; Ftai 22:6) Lata kia e mena nei ma e aga foaki noa? Pihia mooli! Ka e uho lahi e tau palepale kua moua.​—3Io 4.

Kua lahi e mena ka fakaako he tau matua mai ia Iosefa mo Maria. “Na o ki Ierusalema hana tau matua ke he taha tau mo e taha tau ke he galue he paseka,” pete ne lahi e gahua mo e tauuka. (Luk 2:41) Tuku fakamua e laua e tau manako fakaagaaga he magafaoa. Maeke foki e tau matua he vahā nei ke takitaki e tau fanau he puhala hako he fakaaoga e tau magaaho oti ke fakaako a lautolu puhala he kupu mo e fakafifitakiaga.​—Sal 127:3-5.

KITEKITE E VITIŌ FAKAAOGA E LAUA E TAU MAGAAHO OTI, TI TALI E TAU HŪHŪ NĀ:

• Puhala fe ne tuku fakamua tumau e Jon mo Sharon Schiller e tau mena he Kautu ka e he magaaho taha feaki e magafaoa?

• Ko e ha ne lata e tau matua ke felauaki e akonakiaga ha lautolu mo e tau manako he tau fanau takitaha?

• Maeke fēfē e tau matua ke tauteute e tau fanau ha lautolu ke fakauka ke he tau kamatamata he tua?

• Ko e heigoa e tau koloa ne foaki he fakatokatokaaga ha Iehova kua fakaaoga e koe ke lagomatai e fanau ke tupu fakaagaaga?