TAU TANAKIAGA HE KUPU HE ATUA | IOPU 1-5
Tumau e Mahani Hakohako ha Iopu i Lalo he Kamatamata
Nofo a Iopu i Usa he mogo ne fakatupa e tau Isaraela i Aikupito. Nakai ko e tagata Isaraela a Iopu ka e tapuaki fakamooli a ia ki a Iehova. Ha ha ia ia e magafaoa lahi, maukoloa, mo e talahaua he maaga. Ko ia ko e tagata fakatonu lilifu mo e ikifakafili ne nakai fakamailoga tagata. Fakamokoi a ia ke he tau tagata nonofogati mo e mativa. Ko Iopu ko e tagata mahani hakohako.
Ne fakakite fakamaali e Iopu ko Iehova ko Ia ne mua ue atu he moui haana
-
Mailoga e Satani e mahani hakohako ha Iopu. Nakai fakatikai e ia e omaoma ha Iopu ki a Iehova ka e hūhū toko e ia e tau logonaaga ha Iopu
-
Talahau e Satani na fekafekau a Iopu ki a Iehova ha ko e manako lotokai
-
Ke foaki e tali ke he tukupau ha Satani, ne fakaatā e Iehova a Satani ke totoko e tagata mahani fakamooli ia. Moumou fakakelea e Satani e tau faahi oti he moui ha Iopu
-
He fakatumau e Iopu e mahani hakohako haana, ne hūhū toko e Satani e mahani hakohako he tau tagata oti
-
Nakai agahala a Iopu po ke tukupau e ia e Atua he mahani hepehepe
