Ko e porosua Fanogonogo ke he Atua kua taute ke fakaako e kupu mooli he Tohi Tapu ke he puhala he tau fakatino ki a lautolu ne uka ke fakaako mai he vala tala. Igatia e fakaakoaga ne ua e lau mo e fakakite e tau fakatino kua tauteute fakamitaki mo e tau matatao ke takitaki e fakatutalaaga mai he taha fakatino ke he taha.

Ko e porosua Fanogonogo ke he Atua mo e Moui Tukulagi kua tatai e tau fakatino mo e porosua Fanogonogo ke he Atua, ka e loga atu e tau kupu he tohi fakamua ti maeke ke fakaaoga he tau tagata fakaako ne iloa ke totou. Mahani e tau tagata fakailoa ke fakaaoga ai ko e lagaki he faiaoga ka e fakaaoga he tagata fakaako ha lautolu e porosua Fanogonogo ke he Atua. Loga e lau ne ha ha i ai e puha mo e falu vala tala ka fakatutala ki ai, fakavē ke he lotomatala he tagata fakaako.

Maeke a koe ke foaki e tau porosua he ha magaaho pete ne nakai ko e foaki he mahina. Ka taute e fakaako Tohi Tapu, fakaaoga e tau fakatino ke fakamaama e fakamauaga he Tohi Tapu. Talahau e tau hūhū ke fai vala e tagata fakaako ati maeke a ia ke maama mitaki. Totou ti fakatutala ke he tau kupu tohi i kelekele he tau lau takitaha. Ka oti e porosua, fakaako e tohi Ko e Heigoa ne Fakaako Mooli he Tohi Tapu? po ke What Can the Bible Teach Us? ke lagomatai e tagata fakaako ke holo atu ke he papatisoaga.