MOUI KO E TAU KERISIANO
Lagomatai ha Mutolu a Magafaoa ke Manatu a Iehova
Ne kotofa a Ieremia ke hataki e tau Iutaia hagaao ke he moumouaga hane hoko mai ha kua nimo e lautolu ha lautolu a Atua ko Iehova. (Ier 13:25) Hoko fēfē e motu ke he tuaga kelea fakaagaaga nei? Kua galo he tau magafaoa Isaraela e tuaga fakaagaaga ha lautolu. Kua nakai muitua mooli e tau ulu magafaoa ke he takitakiaga ha Iehova ne fakamau ia Teutaronome 6:5-7.
Ko e tau magafaoa malolō fakaagaaga kua fai vala ke he tumauokafua he tau fakapotopotoaga he vahā nei. Maeke he tau ulu magafaoa ke lagomatai ha lautolu a magafaoa ke manatu a Iehova puhala he fakaholoaga Tapuakiaga he Magafaoa ne tumau mo e fai kakano. (Sal 22:27) Ka oti he kitekite ke he vitiō “Kia Ha i Ai Foki ke he Hau a Loto e Tau Kupu Nai”
-
Kautū fēfē e falu magafaoa he fehagai mo e tau paleko mahani mau ke he tapuakiaga he magafaoa?
-
Ko e heigoa e falu palepale he taute e fakaholoaga Tapuakiaga he Magafaoa ne tumau mo e fai kakano?
-
Magaaho he tapuakiaga magafaoa, ko e heigoa e tau paleko haaku, ti fakafehagai fēfē au ki ai?