KAKANO KUA AOGA AI: Ka mautauteute e tau tagata fakaako Tohi Tapu, maama mitaki mo e manatu e lautolu e tau mena ne fakaako age ki a lautolu. Ka lahi e maama mo e manatu e lautolu, to mafiti e holo ki mua. Pete he mole e papatiso, lata a lautolu ke mautauteute ma e tau feleveiaaga mo e gahua he fonua ke maeke ke “mataala.” (Mat 25:13) Ko e mena ia, he iloa e puhala ke fakaako mo e moua e fakaholoaga fakaako mitaki ka aoga lahi ke he tau momoui katoa ha lautolu. Mai he kamataaga, lata a tautolu ke lagomatai e tau tagata fakaako ke feaki e aga ke mautauteute ma e tau fakaakoaga Tohi Tapu ha lautolu.

PUHALA KE TAUTE AI:

• Kia eke mo fakafifitakiaga mitaki. (Rom 2:21) Tauteute tuai ma e fakaakoaga ka e tokaloto e tagata fakaako. (km 11/15 lau 3) Fakakite age haau a tohi kua fitā he vavate

• Fakamafana a ia ke mautauteute. Ka fakatū e fakaakoaga, tala age ki a ia ko e mautauteute e vala he fakatokaaga he fakaako Tohi Tapu. Foaki e tau lagomataiaga aoga ke he puhala ke fakaatā e magaaho mai he fakaholoaga haana ke mautauteute. Falu faiaoga kua fakaatā e tagata fakaako ke fakaaoga e tohi he faiaoga kua vavate he mogo fakaako ke lagomatai e tagata fakaako ke kitia e aoga. Nava atu ka mautauteute a ia

• Fakakite ki a ia e puhala ke mautauteute. He kamataaga, falu faiaoga ne fakaaoga katoa e mogo fakaako ke fakakite ke he tagata fakaako e puhala ke tauteute ma e fakaakoaga