9:1-7

Fēfē la a Iesu he logona e Matua haana he lagi ne talahau kua talia e Iehova a ia he mogo ne hoko e fakakiteaga he fakafaliuaga. Fakamalolō mooli he mena nei a Iesu ke lata ma e matematekelea ka fehagai mo ia. Lauia malolō lahi foki a Peteru, Iakopo, mo Ioane he fakakiteaga nei. Ko Iesu mooli e Mesia, ti latatonu a lautolu ke fanogonogo ki a ia. Kavi ke 32 e tau he mole, manatu agaia e Peteru e mena ne tupu mo e puhala kua mauokafua lahi e “kupu he perofetaaga” ki a ia.​—2Pe 1:16-19.

Pete nakai kitia mata e tautolu e fakakiteaga nei, kua kitia e tautolu e fakamooliaga. Hane pule a Iesu ko e Patuiki malolō lahi. Nakai leva to “kautu ni a ia,” he hafagi e puhala ke he lalolagi tututonu foou.​—Fki 6:2.

Fakamalolō fēfē e tua haau he kitia mata e fakamooliaga he perofetaaga he Tohi Tapu?