Nakai fakamailoga tagata a Iehova. (Gah 10:34, 35) Talia e ia e tau tagata “mai he tau motu oti, mo e tau faoa, mo e tau tagata kehekehe, mo e tau vagahau kehekehe.” (Fki 7:9) Ko e mena ia, nakai ha ha he fakapotopotoaga Kerisiano e mahani fili tagata po ke fakamailoga tagata. (Ia 2:1-4) Fakaaue a tautolu ke he fakaakoaga faka-Atua, ha kua fiafia a tautolu ke he parataiso fakaagaaga he kitia e hikiaga he tau aga fakatagata. (Isa 11:6-9) He eketaha a tautolu ke utakehe he tau loto ha tautolu e mahani fili tagata, to fakamooli ai kua fifitaki e tautolu e Atua.​—Efe 5:1, 2.

• Ko e ha e fakaakoaga faka-Atua kua mahomo atu ke he tau laliaga he tagata ke tiaki e mahani onoono tagata mo e fili tagata?

• Ko e heigoa kua nava a koe hagaao ke he tau matakainaga ha tautolu he lalolagi katoa?

• Fakaheke fēfē a Iehova ka fakatumau e kaufakalataha faka-Kerisiano ha tautolu?