“To hoko ni ke he tau aho a mui”

Magaaho kua nonofo a tautolu mogonei

“Mouga ha i ai e fale a Iehova”

Tapuakiaga lilifu ha Iehova ne meā

“Tafe atu ki ai e tau motu oti kana”

Lautolu ne talia e tapuakiaga meā ne fakapotopoto fakalataha

“O mai a, kia o hake a tautolu ke he mouga a Iehova”

Uiina he tau tagata tapuaki mooli e falu ke fakalataha mo lautolu

“To fakaako mai foki e ia a tautolu ke he hana tau puhala, ti o ai a tautolu ke he hana tau puhala”

Mai he Kupu ha Iehova, ne fakaako mo e lagomatai e ia a tautolu ke ō he tau puhala haana

“To nakai liu ako tau foki e lautolu”

Fakamaama e Isaia hagaao ke he hiki he tau kanavaakau tau ke eke mo tau koloa gahua fonua, he fakakite to eketaha e tau tagata ha Iehova ke moua e mafola. Ko e heigoa e tau koloa nei he vahā a Isaia?

“Tau pelu ke eke mo tau koho”

1 Ko e koho ko e vala he mena ke keli aki e kelekele. Falu ne taute ke he lapatoa.​—1Sa 13:20

“Tau tao foki ke eke mo tau titipi ke taute aki e tau vine”

2 Ko e titipi ne liga ko e lapatoa helesaito ne pipi ke he kakau. Kua fakaaoga ai ke hahala aki e tau vine.​—Isa 18:5