Hagaao ke he World Health Organization (WHO), ia Me 23, 2022 kua 6.27 e miliona tagata ne mamate ha ko e COVID-19. Ka e he vala tala ne fakatoka mai ia Me 5, 2022 ne fuafua he WHO kua lahi atu e numera ne mamate. Talahau ai he 2020 mo e 2021, “ko e katoa ne mamate po ke lauia ha ko e gagao COVID-19 . . . kua kavi ke he 14.9 e miliona.” Talahau nakai he Tohi Tapu hagaao ke he tau matematekelea mamahi lahi pihia?

•    Talahau tuai e Iesu to ha ha i ai e tau tatalu, po ke tau gagao kelea he magahala ne fakahigoa ko e “tau aho fakamui.”​—Luka 21:11; 2 Timoteo 3:1.

 Fakamooliaga he perofetaaga ha Iesu he magaaho nei. Ke iloa atu foki, totou e vala tala “Ko e Heigoa e Fakamailoga ‘he Tau Aho Fakamui’”?

•    “Ko e Atua foki hana e tau fakamafanaaga oti, Ko ia kua fakamafana mai a mautolu ke he ha mautolu a tau matematekelea oti.”​—2 Korinito 1:3, 4.

 Tokologa ne galo e tau fakahele ke he mate ne moua e mafanatia he fekau he Tohi Tapu. Iloa atu foki ke he tau vala tala “Fahia ke he Maanu​—Mena ka Taute e Koe Mogonei” mo e “Ko e Lagomatai ne Mua ma Lautolu ne Maanu.”

•    “Kia hoko mai hau a kautu. Kia eke hau a finagalo ke he lalolagi, tuga ne eke ke he lagi.”​—Mataio 6:10.

 Nakai leva, to taute he “kautu he Atua” taha mena ti “nakai pehe mai foki taha kua nofo ai, Kua gagao au.” (Mareko 1:14, 15; Isaia 33:24) Kitekite e vitiō Ko e Heigoa e Kautu he Atua? ke iloa hagaao ke he fakatufono he lagi mo e mena ka taute ai.

 Uiina e mautolu a koe ke fakaako atu foki hagaao ke he talahauaga he Tohi Tapu ke maeke a koe mo e magafaoa haau ke aoga mai he fakatonuaga pulotu mo e tau maveheaga ofoofogia i loto.