He pogipogi he Aho Gofua, Oketopa 10, 2022, ne laufoaia e tau taone ha Ukraine ia Rusia ha ko e taui ke he tau pomu lalahi ne pāpā he ua aho fakamua ti malona e hala laupapa lahi ne matutaki a Crimea mo Rusia. Tutupu e tau mena nei he nakaila leva e hataki e tau politika to nakai leva ti hoko mai a Amaketo.

•   “Nakaila tata lahi pihia a tautolu ki Amaketo tali mai [he Pelesiteni ha U.S. ko John F.] Kennedy mo e Cuban Missile Crisis. . . . Nakai manatu au ko e mena fai mena pihia ke mukamuka he [fakaaoga] e kanavaakau niukilia mafiti mo e nakai hoko ki Amaketo.”​​—Pelesiteni i U.S. ko Joe Biden, Oketopa 6, 2022.

•   “Talia e au kua tata mai a Amaketo, kua fakahagahaga kelea ke he lalolagi katoa.”​​—Pelesiteni ha Ukraine ko Volodymyr Zelensky he hūhū ki ai hagaao ke he tau fua he fakaaoga e tau kanavaakau niukilia, BBC News, Oketopa 8, 2022.

 To takitaki atu kia e fakaaoga he tau kanavaakau niukilia ki Amaketo? Ko e heigoa ne talahau he Tohi Tapu?

 Nakai. Ko e kupu “Amaketo” ne lagataha ni e moua he Tohi Tapu ia Fakakiteaga 16:16. Nakai hagaao ke he tauaga he tau motu ka ko e tauaga he Atua ke he “tau patuiki he lalolagi, mo e lalolagi oti kana.” (Fakakiteaga 16:14) To fakaaoga he Atua e tauaga i Amaketo ke moumou e pule he tagata.​​—Tanielu 2:44.

 Ke iloa atu foki e kakano he Amaketo ma e lalolagi, totou e vala tala Ko e Heigoa e Tauaga i Amaketo?

 Nakai. Pete ka fakaaoga he tau pule he tau tagata e tau kanavaakau niukilia he mogo i mua, to nakai fakaatā he Atua e lalolagi ke moumou. Talahau he Tohi Tapu:

•   “Ko e lalolagi kua tumau tukulagi haia.”​​—Fakamatalaaga 1:4.

•   “To eke ni e motu ma e tau tagata tututonu, to nonofo muatua ai a lautolu.”​​—Salamo 37:29.

 Ka ko e perofetaaga he Tohi Tapu mo e tau mena tutupu mogonei kua fakakite hane tata ke hiki e magahala he fakamauaga tala he tagata. (Mataio 24:3-7; 2 Timoteo 3:1-5) Iloa e mena ne talahau he Tohi Tapu hagaao ke he magaaho i mua puhala he ha mautolu a fakatutala ke he Tohi Tapu ne nakai totogi.