“Ko e tuaga fakatupe he lalolagi kua liu hagahaga kelea” he hataki he pelesiteni he Matakau World Bank ia Iuni 2022 ne pehē. “He magaaho nei kua fehagai mo e mafiti he malikiti he tauuka he tau koloa mo e nakai lahi e tupe moua he tau tagata ke fakatau aki e tau koloa.”

 “Ko e totogi he penisini mo e tau mena kai kua holo hake mafiti ti lauia e tau tagata ne matematekelea he tau motu ne nakai lahi e tupe moua” he talahau he International Monetary Fund.

 Lagomatai he Tohi Tapu a tautolu ke maama e kakano he fehagai a tautolu mo e tau lekua fakatupe pihia, puhala ke fahia a tautolu ki ai, mo e amaamanakiaga ma e tali mitaki tukulagi.

•   Fakahigoa he Tohi Tapu e magahala kua nonofo a tautolu i ai ko e “tau aho fakamui.”​—2 Timoteo 3:1.

•   Pehē a Iesu ko e “tau mena fakamatakutaku” ka fakamailoga e magahala nei. (Luka 21:11) Ko e malikiti he tauuka he tau koloa kua fakatupu e matakutaku. Tupetupe e tau tagata hagaao ke he ha lautolu a tau aho i mua ko e maeke la nakai a lautolu ke leveki e magafaoa.

•   Ko e tohi ha Fakakiteaga ne talahau tuai e tauuka he tau mena kai he magahala nei. “Ne logona foki e au e leo . . . kua pehe mai, Ko e totogi he koini saito ko e taha tenari ia, ko e totogi foki he tolu a koini karite ko e taha tenari ia.”​—Fakakiteaga 6:6.

 Ke iloa atu foki hagaao ke he “tau aho fakamui” mo e perofetaaga he tohi ha Fakakiteaga, kitekite e vitiō The World Has Changed Since 1914 ti totou e vala tala “Tokofā e Tagata Heke Solofanua​—Ko Hai a Lautolu?”

•   “To ta fale e lautolu, mo e nonofo ai a lautolu; to to e lautolu e tau ulu vine, mo e kai ai e lautolu ha lautolu a tau fua.”​—Isaia 65:21, 22.

•   “To ha i ai e puke aloalolima he tau saito ke he motu, ki luga he fuga mouga; ti gatiti ai hana tau fua.”​—Salamo 72:16.

•   “Ha kua pehia he favale a lautolu kua matematekelea, mo e tauoi a lautolu kua nonofogati, kua pehe mai a Iehova.”​—Salamo 12:5. a

 To nakai leva ti moumou he Atua e tau tuaga nakai mitaki fakatupe he tau motu oti he lalolagi katoa. Ke kitia e puhala, totou e vala tala “Is a Fair Economic System Possible?”

 Ka e pihia foki he vahā nei, maeke e Tohi Tapu ke lagomatai a koe ke fehagai mo e holo hake he tauuka he tau koloa. He puhala fe? Ha ha i ai e fakatonuaga aoga ke he puhala ke fakaaoga fakailoilo e tupe. (Tau Fakatai 23:4, 5; Fakamatalaaga 7:12) Ke iloa atu foki, totou e vala tala “Protect Your Livelihood” mo e “How to Live on Less.”