Ia Me 24, 2022, hoko ai e matematekelea lahi ke he taone tote ha Uvalde i Texas, U.S.A. He The New York Times, “ko e tagata taane ne fana ti mamate e toko 19 e tama mo e tokoua e faiaoga . . . he Robb Elementary School.”

 Momoko ai, ko e tau mena tutupu kelea pihia kua aga mau mogonei. Hokotaki he USA Today i United States hokoia, “ko e 249 e tau fana he fonua aoga he tau kua mole​—mua atu ai e numera ke he tau tau tali mai he 1970.”

 Ko e ha ne tutupu e tau mena kelea nei? Fahia fēfē a tautolu ke he tau gahua kelea muitui pihia? Fai amaamanakiaga nakai to utakehe e favale? Foaki he Tohi Tapu e tau tali.

•    Fakamaama he Tohi Tapu ko e magahala nei ha tautolu he “tau aho fakamui” to tokologa e tau tagata ka “nakai fai fakaalofa” mo e “mahani favale” he aga vale mo e keli tagata. Ko lautolu ne taute e tau mahani pihia “to tolomaki atu a lautolu ke au atu he kelea.” (2 Timoteo 3:1-5, 13) Ke iloa atu foki, totou e vala tala “Did the Bible Predict the Way People Think and Act Today?”

 Tokologa e tagata ne manamanatu, ‘Ko e ha e Atua ne nakai taofi e tau mena kelea lahi ke ua tutupu tuga e tau fana he aoga?’ Ke kitia e tali he Tohi Tapu, totou e vala tala “Bad Things Happen to Good People​—Why?”

•    “Ha ko e tau mena oti ne tohi mai i tuai, ne tohi ia, ke fakaako ai a tautolu; kia moua ai e tautolu e amaamanaki ha ko e . . . fakamafanatia mai he tau Tohi.”​—Roma 15:4.

 Maeke e tau matapatu fakaakoaga he Tohi Tapu ke lagomatai a koe ke fahia ke he lalolagi favale nei. Kikite e mekasini Awake! ne mataulu “Will Violence Ever End?” ma e falu vala tala.

 Ma e tau manatu ke he puhala ka lagomatai he tau matua e tau fanau ha lautolu ke fahia ke he tau vala tala matakutaku “Disturbing News Reports and Your Children.”

•    “To laveaki e ia a lautolu mai he favale mo e mahani kelea.”​—Salamo 72:14.

•    “Ti tukituki e lautolu e tau pelu ha lautolu ke eke mo tau koho, ko e tau tao foki ha lautolu ke eke mo tau titipi ke taute aki e tau vine; to nakai nikiti atu he taha motu e pelu ke he taha motu, to nakai liu ako tau foki a lautolu.”​—Mika 4:3.

 To taute he Atua e tau mena ne nakai maeke he tau tagata ke taute. Ko e haana fakatufono he Kautu he lagi to moumou e tau kanavaakau oti kana mo e utakehe e favale. Ke iloa atu foki e mena ka taute he Kautu he Atua, totou e vala tala “Under God’s Kingdom ‘Peace Will Abound.’”