MA E TAU FUATA
11: Fakamakutu
KO E KAKANO
Ko e tau tagata fakamakutu kua nakai kalo hola he gahua. Ka e fiafia a lautolu he gahua malolō ke leveki aki e tau tuaga fakatino ha lautolu mo e lagomatai e falu pete kua nakai mitaki e gahua.
KAKANO NE AOGA
He manako po ke nakai manako, puke e moui he tau matagahua. He lalolagi kua nakai manako ke gahua malolō, kua aoga lahi e fakamakutu ki a koe.—Fakamatalaaga 3:13.
“Iloa e au ka gahua malolō a koe, ti logona hifo e koe e matalahi mo e fiafia he loto. Ko e logonaaga fiafia he loto kua omoomoi au ke fakaako ke fiafia ke manako ke gahua. Ko e aga gahua lahi kua lagomatai a koe ke atihake foki e higoa mitaki.”—Reyon.
MATAPATU FAKAAKOAGA HE TOHI TAPU: “Kua fai mena kua moua ai ke he tau gahua oti.”—Tau Fakatai 14:23.
MENA KE TAUTE E KOE
Feaki e onoonoaga mitaki he gahua he muitua e tau lakaaga nā.
Matalahi he fakaako ke taute fakamitaki e gahua. He taute fekau a koe, taute e tau gahua aoga i kaina, po ke gahua tupe, eketaha ke he gahua haau hane taute. Ka taute fakamitaki e koe e gahua, kumi puhala ke fakaholo ki mua he taute fakamafiti po ke taute fakamitaki. Ko e lahi e lotomatala haau, to lahi e fiafia haau ke he gahua.
MATAPATU FAKAAKOAGA HE TOHI TAPU: “Kua kitia kia e koe e tagata mafiti ke he hana tau gahua? to tu a ia ki mua he tau patuiki, nakai tu a ia ki mua he tau lalo tagata.”—Tau Fakatai 22:29.
Kitia e tuaga katoa. Laulahi he tau tuaga, ka taute fakamitaki e koe e tau matagahua haau, to aoga ke he falu. Ma e fakatai, ka fakamakutu a koe he taute e tau fekau haau, to fakamāmā e koe e kavega he falu he magafaoa haau.
MATAPATU FAKAAKOAGA HE TOHI TAPU: “Kua mua e monuina hana ke foaki atu, ke he monuina hana ke talia mai.”—Gahua 20:35.
Taute fakalahi atu foki. He nakai ni taute he mena kua lata, lali ke lahi atu e mena kua taute he mena kua fakatoka. He puhala nei, kua pule a koe ke he moui haau he lahi e mena ne taute, nakai he fakaohooho ka ko e fifiliaga haau ke taute.—Mataio 5:41.
MATAPATU FAKAAKOAGA HE TOHI TAPU: “Tuga mo e mena fakamakamaka hau a mahani mitaki mai, ka kia eke mo e loto.”—Filemoni 14.
Kia lagotatai. Ko e tau tagata fakamakutu kua nakai teva mo e nakai molea e gahua. Foli a lautolu ke lagotatai, moua e moui fiafia he gahua malolō mo e he tau magaaho okioki.
MATAPATU FAKAAKOAGA HE TOHI TAPU: “Kua mua he mitaki taha e puke aloalolima mo e nofo fakatekiteki, ke he na puke aloalolima ua mo e mamahi he gahua, mo e kai e matagi.”—Fakamatalaaga 4:6.
Liga Manako Foki a Koe
KO E KOLO TOKO
How to Enjoy Hard Work
Consider some of the ways in which the Bible provides practical advice for finding joy and satisfaction in your work.
ALA!
Fakaaoga Fakailoilo e Magaaho Haau
Taha e puhala ke fakaaoga fakamitaki e magaaho haau ko e onoono ke he moui haau mai he ua e faahi. Ko e heigoa e tau faahi ia?
