KO E pogipogi Lotu ia Ianuari 24, 2018, ne logona he magafaoa Peteli i United States mo Canada e fakailoaaga pauaki: Ko e Matakainaga ko Kenneth Cook, Jr., ne kua lafi ke he Kau Fakatufono he Tau Fakamoli a Iehova.

Fanau e Matakainaga ko Cook mo e feaki hake i Pennsylvania, U.S.A. Fakaako e ia e kupu mooli mai he kapitiga aoga ato oti a ia mai he aoga tokoluga ti papatiso ia Iuni 7, 1980. Kamata e fekafekauaga mau haana ko e paionia tumau ia Sepetema 1, 1982. He mole e paionia haana ke ua e tau, ne uiina a ia ke he Peteli ti kamata e gahua haana he Peteli i Wallkill, New York, ia Oketopa 12, 1984.

Ke he 25 e tau i mua, ne taute he Matakainaga ko Cook e tau kotofaaga he Faahi Lomi Tohi mo e Ofisa Peteli. Mau e ia e hoana haana ko Jamie he 1996, ti fakalataha atu mo ia ke he gahua he Peteli i Wallkill. Ia Tesemo 2009, ne hiki atu e Matakainaga ko Cook mo e hoana haana ke he Watchtower Educational Center i Patterson, New York, ti kotofa e Matakainaga ko Cook ke gahua he Writing Correspondence Department. Ia Aperila 2016, he mole e liliu fakakū ke he fale i Wallkill ne hiki atu e Matakainaga ko Cook mo e hoana haana ki Brooklyn, New York. Lima e mahina he mole ne hiki atu a laua ke he matapatu ofisa i Warwick, New York. Ia Ianuari 2017, kotofa e Matakainaga ko Cook ke fekafekau ko e tagata lagomatai ke he Komiti Tohia Tohi he Kau Fakatufono.