KO E KOLO TOKO—FUFUTA FAKAAKO Iuni 2020
Ha ha he fufuta nei e tau vala tala fakaako ma Aokuso 3-30, 2020.
“Kia Tapu Hau a Higoa”
Vala tala fakaako 23: Aokuso 3-9, 2020. Ko e heigoa e matakupu aoga lahi ne fehagai e tau tufugatia iloilo oti? Ko e ha e matakupu ia kua aoga lahi, ti ko e heigoa e matagahua ha tautolu ka taute ke fakamafola aki e mena ia? Ko e maama e tau tali ke he tau hūhū ia mo e falu foki ka lagomatai a tautolu ke fakamalolō e fakafetuiaga ha tautolu mo Iehova.
“Kia Fakamau e Koe Hoku Loto ke Matakutaku ke he Hāu a Higoa”
Vala tala fakaako 24: Aokuso 10-16, 2020. He vala tala nei to hagaaki a tautolu ke he vala he liogi he Patuiki ko Tavita ia Salamo 86:11, 12. Ko e heigoa e kakano ke matakutaku ke he higoa a Iehova? Ko e heigoa e kakano ati fakalilifu e tautolu e higoa mua ue atu ia? Ti maeke fēfē e matakutaku ke he Atua ke puipui a tautolu mai he mahala ke he kamatamata?
Tau Hūhū he Tau Tagata Totou
Ko e tau aga ne tohi ia Kalatia 5:22, 23, ko e tau vala hokoia ni kia he “fua he Agaga”?
“Ko Au Ni, To Kumi e Au Haku a Tau Mamoe”
Vala tala fakaako 25: Aokuso 17-23, 2020. Ko e ha e falu ne fekafekau fakamooli ki a Iehova ke he loga e tau tau kua tafea kehe mai he fakapotopotoaga? Fēfē e logonaaga he Atua ki a lautolu? To fakamaama he vala tala nei e tau tali ke he tau hūhū ia. Fakatutala foki ke he fakaakoaga ka moua e tautolu he puhala ne lagomatai e Iehova e falu he vahā Tohi Tapu ne tafea kehe fakakū mai ia Ia.
“Kia Liliu Mai A a Mutolu kia Au”
Vala tala fakaako 26: Aokuso 24-30, 2020. Manako a Iehova ki a lautolu ne nakai fakalataha mo e fakapotopotoaga ha kua lolelole fakaagaaga ke liliu mai ki a ia. Loga e mena kua maeke ia tautolu ke taute ke fakamafana a lautolu ne manako ke talia e uiina ha Iehova: “Kia liliu mai a a mutolu kia au.” He vala tala nei, to fakatutala a tautolu ke he puhala ka lagomatai e tautolu a lautolu ke taute pihia.
