Tau Patuiki ne Fetoko he Vahā he Fakahikuaga
Tau perofetaaga ne totoku he fakatino nei kua fakamaama e tau mena ne tutupu he taha e magaaho. Fakamooli he tau mena oti ia kua nonofo a tautolu he “vaha ke fakahiku ai.”—Tani. 12:4.
(Tau) Kupu Tohi Tapu Fakakite. 11:7; 12:13, 17; 13:1-8, 12
Perofetaaga Ko e “manu favale” ne pule ke he tau tagata he lalolagi ke he afe e tau tau. He vahā he fakahikuaga, ne maihi ai e ulu ke fituaki. Fakamui, ne mafu e ulu ia ti ko e “lalolagi oti” ne mumui ai ke he manu favale. Fakaaoga e Satani e manu favale ia ke “tau ke he tau fanau . . . kua toe.”
Fakamooliaga Mole e Fakapukeaga, ne kamata e tau fakatufono he tagata ke totoko ki a Iehova. Afe e tau tau he mole he Felakutaki I he Lalolagi, lolelole hifo e Pule Atu Motu Peritania. Liu ai malolō he lafi mo Amerika. Mua atu ke he vahā he fakahikuaga, fakaaoga e Satani e tau fakatufono oti he lalolagi ke fakamatematekelea e tau tagata he Atua.
(Tau) Kupu Tohi Tapu Tani. 11:25-45
Perofetaaga Fetoko e patuiki he faahi tokelau mo e patuiki he faahi toga he vahā he fakahikuaga.
Fakamooliaga Tau atu a Sihamani ki a Igilani-Amerika. He 1945 ne eke e Soviet Union mo e tau kau ne lafi ki ai mo patuiki he faahi tokelau. He 1991, ne kaumahala e Soviet Union ti fai magaaho he mole ne eke a Rusia mo e tau kau ne lafi ki ai mo patuiki he faahi tokelau.
(Tau) Kupu Tohi Tapu Isaia 61:1; Mala. 3:1; Luka 4:18
Perofetaaga Fakafano e Iehova e ‘utafekau’ ke “tauteute e ia e puhala” ato fakatū e Kautu faka-Mesia. Kamata e matakau nei ke “fakamatala e vagahau mitaki kia lautolu kua matematekelea.”
Fakamooliaga Kamata he 1870, ko C. T. Russell mo e falu ne fakalataha mo ia ne gahua fakamakutu ke fakamaama e tau fakaakoaga mooli he Tohi Tapu. He tau atu tau 1880, mailoga e lautolu kua aoga lahi ma e tau fekafekau he Atua ke fakamatala. Lomi fakailoa e lautolu e tau vala tala tuga e “Wanted 1,000 Preachers” mo e “Anointed to Preach.”
(Tau) Kupu Tohi Tapu Mata. 13:24-30, 36-43
Perofetaaga Ko e fī ne gana e tau titania ki luga he tau saito ti toka ai ke tupu mo e maluia e tau saito ato hoko ke he heleheleaga; ti vevehe kehe ai e tau titania mai he tau saito.
Fakamooliaga Mai he matahiku he tau atu tau 1800, kamata ke kitia e tau Kerisiano mooli mai he tau Kerisiano fakavai. He vahā he fakahikuaga, kua fakapotopoto e tau Kerisiano mooli ti vevehe kehe mai he tau Kerisiano fakavai.
(Tau) Kupu Tohi Tapu Tani. 2:31-33, 41-43
Perofetaaga Ko e tau tauluhui lapatoa mo e kelekele he tupua ne talaga mai he tau metal kehekehe.
Fakamooliaga Hagaao e kelekele ke he tau tagata ne totoko ke he Pule Malolō he Lalolagi ko Igilani-Amerika. Ha kua nakai kaufakalataha e tau tagata ia, nakai maeke e tau fakatufono nei ke malolō e pule.
(Tau) Kupu Tohi Tapu Mata. 13:30; 24:14, 45; 28:19, 20
Perofetaaga Kua tanaki e “tau saito” ke he “fale saito” ti kua kotofa e “fekafekau fakamoli mo e loto matala” ke pule ke he “tau fekafekau.” Ne kamata e “tala mitaki nai he kautu” ke fakamatala ke he “tau atu motu oti.”
Fakamooliaga He 1919 ne kotofa e fekafekau fakamoli ke leveki e tau tagata he Atua. Tali mai he magaaho ia, ne malikiti e gahua fakamatala he Tau Tagata Fakaako Tohi Tapu. Mogonei, ko e Tau Fakamoli a Iehova kua fakamatala ke he molea 200 e motu mo e taute e tau vala tala ne fakavē ke he Tohi Tapu ke he molea 1,000 e vagahau.
(Tau) Kupu Tohi Tapu Tani. 12:11; Fakakite. 13:11, 14, 15
Perofetaaga Ko e manu favale ne ua e hoe kua tala age ke he tau tagata he lalolagi ke eke e “fakatino he manu favale” ti tuku age e “fafagu ke he fakatino.”
Fakamooliaga Ko e Pule Malolō he Lalolagi ko Igilani-Amerika ne kamata ke fakatū e League of Nations. Ko e fakatokatokaaga nei kua lalago he falu motu. He 1926 ke he 1933 ne eke foki e patuiki he faahi tokelau mo vala he League. Tuga e United Nations (UN) ne mui mai, talitonu e tau tagata to tamai he League e mafola ke he lalolagi ka ko e Kautu ni he Atua kua maeke ke taute e mena ia.
(Tau) Kupu Tohi Tapu Tani. 8:23, 24
Perofetaaga Ko e patuiki mata vale to “homo atu a ia he moumou mena.”
Fakamooliaga Mogo he Pule Malolō he Lalolagi ko Igilani-Amerika kua tokologa e tagata ne mamate mo e lahi mahaki e moumouaga. Ma e fakatai, he Felakutaki II he Lalolagi ne fakatō e Amerika ua e pomu lalahi ke he motu ne totoko ki Igilani-Amerika ti mua atu e matematekelea e fua ne moua.
(Tau) Kupu Tohi Tapu Tani. 11:31; Fakakite. 17:3, 7-11
Perofetaaga Ko e manu favale “kula” ne hogofulu e hoe ne hake mai he pahua ti ko e patuiki ke valuaki. Kua hagaao e tohi a Tanielu ke he patuiki nei ko e “mena vihiatia ke moumou aki.”
Fakamooliaga Ne fakaoti e League of Nations he Felakutaki II he Lalolagi. He mole e felakutaki, ne “tuku ai” po ke fakatū e UN. Ko e UN, tuga e League ne kua mole atu, ne moua e fakahekeaga kua lata ma e Kautu he Atua. To totoko he UN e lotu.
(Tau) Kupu Tohi Tapu 1 Tesa. 5:3; Fakakite. 17:16
Perofetaaga Pehē e tau motu “kua mafola, kua nakai haofia,” ti totoko he “tau hoe foki ne hogofulu” mo e “manu favale” e “fifine fakataka” ti moumou ai. Ka mole ia, ti moumou e tau motu.
Fakamooliaga Liga talahau he tau motu kua tamai e lautolu e mafola mo e nakai haofia ke he lalolagi. Ti ko e tau motu ne lalago e UN ka moumou e tau fakatokatokaaga he lotu fakavai. Ko e kamataaga anei he matematekelea lahi. To oti e matematekelea ia he mogo ka moumou katoa e Iesu e lalolagi ha Satani i Amaketo.
(Tau) Kupu Tohi Tapu Eseki. 38:11, 14-17; Mata. 24:31
Perofetaaga To fina atu a Koku ke totoko ke he motu he tau tagata he Atua. Ti fakapotopoto he tau agelu a “lautolu kua fifili.”
Fakamooliaga Ko e patuiki he faahi tokelau mo e tau fakatufono ne toe he lalolagi, to totoko ke he tau tagata he Atua. Fai magaaho he mole e kamata he totokoaga nei, ko lautolu ne fakauku kua toe ka fakapotopoto ke he lagi.
(Tau) Kupu Tohi Tapu Eseki. 38:18-23; Tani. 2:34, 35, 44, 45; Fakakite. 6:2; 16:14, 16; 17:14; 19:20
Perofetaaga Ko “ia foki kua heke” he “solofanua hina” kua “kautu ni a ia” he moumou a Koku mo e haana kautau. Ko e “manu favale” kua “liti . . . ke he loloto afi,” ti malolo e tupua.
Fakamooliaga Ko Iesu ko e Patuiki he Kautu he Atua ka fakahao e tau tagata he Atua. Fakalataha mogoia a Iesu mo e 144,000 ka pule mo ia mo e tau agelu ke moumou e matakau he tau motu, ko e fakaotiaga a ia he lalolagi ha Satani.
