Kia Falanaki ki a Iehova ti Moui!
“Kia tua a koe kia Iehova mo e hāu a loto katoa; ka e aua neke falanaki a koe ke he hāu a pulotu.”—TAU FAKATAI 3:5.
1. Ko e ha kua lata a tautolu oti ke moua e fakamafanaaga?
KUA lata oti a tautolu ke moua e fakamafanaaga. Liga ko e tau momoui ha tautolu kua puke he tau tupetupe, fakahogohogo manava, mo e tau fakaatukehe. Liga matematekelea a tautolu ha ko e gagao, fuakau, po ke mate e fakahele. Falu ia tautolu kua taute fakakelea he falu. Lafi ki ai, ko e tau tagata ne viko takai ia tautolu kua holo ki mua e favale. Mooli, ko e “tau aho uka” nei ne fakakite kua nonofo a tautolu he “tau aho fakamui” mo e tata lahi atu a tautolu he tau aho takitaha ke he lalolagi foou. (2 Timoteo 3:1) Ka e liga leva tuai e fakatali ha tautolu ma e tau maveheaga ha Iehova ke fakamooli, mo e liga lauia a tautolu ke he loga atu he tau mena uka. Ti moua e tautolu i fe e fakamafanaaga?
2, 3. (a) Ko e heigoa ne iloa e tautolu hagaao ki a Hapakuka? (e) Ko e ha kua kumikumi a tautolu ke he tohi ha Hapakuka?
2 Kumikumi la a tautolu ke he tohi ha Hapakuka ke moua e tali ke he hūhū ia. Pete he nakai talahau he tau Tohiaga Tapu e tau vala tala loga hagaao ke he moui ha Hapakuka, kua fakamalolō Hapakuka 2:2.
mooli e tohi haana. Ko e higoa Hapakuka kua liga kakano “Kuku Fakamalolō.” Liga hagaao e mena nei ke he kuku mafanatia ha Iehova ne fakamafana e tau tagata tapuaki haana. Po ke liga hagaao foki ke he puhala ne kuku maunivaniva atu e tau tagata tapuaki ha Iehova ki a Ia. Tutala a Hapakuka ke he Atua mo e hūhū atu foki ki a Ia. Omoomoi he agaaga ha Iehova a Hapakuka ke tohi hifo e fakatutalaaga ha kua iloa e Iehova to aoga foki a tautolu mai he mena nei.—3 Ko e fakatutalaaga nei he perofeta ne loto tupetupe mo Iehova ko e tau mena ia ni ne talahau he Tohi Tapu ki a tautolu hagaao ki a Hapakuka. Ka ko e tohi haana ko e vala he “tau mena oti ne tohi mai i tuai” he Kupu he Atua, “kia moua ai e tautolu e amaamanaki ha ko e fakauka mo e fakamafanatia mai he tau Tohi.” (Roma 15:4) Maeke fēfē he tohi ha Hapakuka ke lagomatai a tautolu takitokotaha? Maeke ke lagomatai a tautolu ke kitia e kakano he tua, po ke falanaki ki a Iehova. Ti talahau he perofetaaga ha Hapakuka kua moua e tautolu e mafola he manamanatuaga pete e tau lekua po ke tau kamatamata ha tautolu.
LIOGI KI A IEHOVA
4. Ko e ha kua loto tupetupe a Hapakuka?
4 Totou Hapakuka 1:2, 3. Moui a Hapakuka he vahā uka lahi. Ko e tau tagata ne viko takai ia ia ne mahani kelea mo e favale, ti taute he mena nei a ia ke mamahi lahi mahaki. Ko e tau mena oti ne onoono a ia ki ai kua kitia e ia e tau Isaraela kua taute fakakelea mo e favale ko e taha ke he taha. Manamanatu a Hapakuka: ‘Ko e magaaho fe ka utakehe e tau mahani kelea oti nei? Ko e ha kua leva ma Iehova ke taute e taha mena hagaao ki ai?’ Logona hifo e ia e nakai fahia. Ti olelalo a ia ki a Iehova ke taute taha mena. Liga kamata a Hapakuka ke manamanatu kua nakai liu a Iehova ke leveki e tau tagata Haana po ke nakai fai mena a Ia ka taute. Kua pihia nakai e logonaaga haau?
Lata ke nakai matakutaku ke tala age ki a Iehova e tau tupetupe po ke tau fakauaua ha tautolu
5. Ko e heigoa ka fakaako e tautolu mai he tohi ha Hapakuka? (Kikite fakatino he kamataaga.)
5 Hūhū kia e Hapakuka e tau hūhū nei ha kua nakai falanaki a ia ki a Iehova mo e tau maveheaga haana? Nakai pihia! Ole a Hapakuka ki a Iehova ma e lagomatai ke he tau fakauaua mo e tau lekua haana, ne fakakite kua nakai mahala e amaamanakiaga haana ka e falanaki agaia a ia ki a Iehova. Maaliali ai kua tupetupe mo e nakai iloa e Hapakuka e mena ke taute. Nakai maama e ia e kakano ne fakatali a Iehova ke taute taha mena mo e kakano kua fakaatā e Ia ke lahi e matematekelea haana. Ko e kakano ne omoomoi e Iehova a Hapakuka ke tohi hifo e tau tupetupe haana kua fakaako ki a tautolu e fakatonuaga aoga lahi. Nakai lata a tautolu ke matakutaku ke tala age ki a Iehova e tau tupetupe po ke tau fakauaua ha tautolu. Uiina totonu e ia a tautolu ke liogi mo e ke tala age fakahako ki a ia e tau logonaaga ha tautolu. (Salamo 50:15; 62:8) Fakamalolō he Tau Fakatai 3:5 a tautolu oti: “Kia tua a koe kia Iehova mo e hāu a loto katoa; ka e aua neke falanaki a koe ke he hāu a pulotu.” Fakagahua e Hapakuka e tau kupu nei he moui haana.
6. Ko e ha kua aoga ke liogi?
6 Falanaki a Hapakuka ki a Iehova ko e Kapitiga mo e Matua haana, ti fakailoilo ai ke fakatata ki a Iehova. Nakai ni tupetupe a Hapakuka ke he tuaga haana ti lali ke fakahako ne ia. Ka e liogi a ia hagaao ke he tau logonaaga mo e tau tupetupe haana. Ko e fakafifitakiaga mitaki anei ma tautolu. Ko Iehova ko e Fanogonogo liogi ne uiina a tautolu ke fakakite kua falanaki a tautolu ki a ia he liogi mo e tala age e tau tupetupe ha tautolu. (Salamo 65:2) Ka taute e tautolu e mena nei, to kitia e tautolu e puhala kua tali e Iehova e tau liogi ha tautolu. To logona hifo e tautolu e kuku mafanatia haana ka fakamafana mo e takitaki e ia a tautolu. (Salamo 73:23, 24) To lagomatai e ia a tautolu ke maama e onoonoaga haana ke he tuaga ha tautolu, pete ni e tau kamatamata ne matematekelea a tautolu. Ko e liogi ki a Iehova ko e taha he tau puhala mitaki lahi mahaki ne fakakite kua falanaki a tautolu ki a ia.
FANOGONOGO KI A IEHOVA
7. Tali atu fēfē a Iehova he tala age e Hapakuka ki a Ia e tau tupetupe haana?
7 Totou Hapakuka 1:5-7. Mole he tala age e Hapakuka ki a Iehova e tau tupetupe haana, liga manamanatu a ia to fēfē e tali ha Iehova. Ha ko e Matua fakaalofa, maama e Iehova e logonaaga ha Hapakuka. Iloa e ia kua matematekelea a Hapakuka mo e olelalo ma e lagomatai. Ti nakai tauage e Iehova a Hapakuka ka e tala age ki a ia e mena ka nakai leva ti taute e Ia ke he tau Iutaia nakai fakamooli. Liga ko Hapakuka e tagata fakamua ne tala age e Iehova to nakai mule mai e fakahala ha lautolu.
8. Ko e ha ne nakai amanaki a Hapakuka ke he tali pihia a Iehova?
8 Fakamaama e Iehova ki a Hapakuka kua mautali a Ia ke taute taha mena. To fakahala e ia e tau tagata favale mo e mahani kelea ha Iuta. He talahau pihia to tupu e mena nei “ke he tau aho ha mutolu,” fakakite e Iehova ko e fakafiliaga nei to hoko mai he magahala ne momoui agaia a Hapakuka po ke tau Isaraela ne viko takai ia ia. Nakai amanaki a Hapakuka ke tali pihia a Iehova. Ne vale lahi mahaki e tau tagata Kaletaia, po ke tau Papelonia. Mua atu e favale ha lautolu ke he tau Isaraela, ne iloa e tau tutūaga ha Iehova. Ko e ha mogoia kua fakaaoga e Iehova e motu pouliuli favale nei ke fakahala e tau tagata haana? To fakatupu ni he mena nei e matematekelea lahi ma Iuta. Fēfē e logonaaga haau kaeke ko Hapakuka a koe?
9. Ko e heigoa falu hūhū ne hūhū e Hapakuka?
9 Totou Hapakuka 1:12-14, 17. Pete na maama e Hapakuka to fakaaoga e Iehova e tau tagata Papelonia ke fakahala e tau tagata mahani kelea ne viko takai ia ia, nakai iloa agaia e ia e kakano. Ka e fakatokolalo mo e eketaha a ia ke matutaki ke falanaki ki a Iehova. Pehē a ia kua matutaki a Iehova ke eke mo “Maka” haana. (Teutaronome 32:4; Isaia 26:4) Talitonu a Hapakuka kua fakaalofa mo e totonu e Atua, ti nakai matakutaku a ia ke hūhū atu foki ki a Iehova falu hūhū, tuga e: Ko e ha ne fakaatā e Iehova e tau mena i Iuta ke au atu e kelea mo e matematekelea lahi foki haana tau tagata? Ko e ha ne nakai taute e ia taha mena he magaaho tonu ia? Ko e ha ne “nakai vagahau ai” e Malolō Ue Atu, mo e fakauka ke he mahani kelea he tau mena oti? Mua atu ai, ko Iehova kua “Tapu” ti “kua mua he mea e tau fofoga hau, nakai fia kitekite a koe ke he mahani kelea.”
10. Ko e ha he falu magaaho ne liga logona hifo a tautolu tuga a Hapakuka?
10 Falu magaaho ne liga logona hifo pihia a tautolu tuga a Hapakuka. Fanogonogo a tautolu ki a Iehova. Falanaki a tautolu ki a ia ti totou mo e fakaako e Kupu haana ne kua fakamalolō e amaamanakiaga ha tautolu. Logona foki e tautolu hagaao ke he tau maveheaga haana ka fanogonogo a tautolu ke he mena ne fakaako he fakatokatokaaga haana. Ka e liga manamanatu agaia a tautolu, ‘Magaaho fe ka fakaoti e matematekelea ha tautolu?’ Fakaako e tautolu e mena ne taute e Hapakuka mogonei.
FAKATALI KI A IEHOVA KE TAUTE TAHA MENA
11. Ko e heigoa ne eketaha a Hapakuka ke taute?
11 Totou Hapakuka 2:1. Ko e fakatutalaaga ha Hapakuka mo Iehova ne foaki ki a ia e mafola he manamanatuaga. Kua taute ai a ia ke eketaha ke fakatali ki a Iehova ke taute taha mena. Fatiaki e Hapakuka e eketaha haana he pehē a ia: “Okioki [“fakatali fakatekiteki,” NW] ai au ke he aho matematekelea.” (Hapakuka 3:16) Ko e falu fekafekau fakamooli he Atua ne tumau foki e fakatali fakatekiteki ki a Iehova ke taute taha mena. Ko e fakafifitakiaga ha lautolu kua fakamalolō a tautolu ha kua fakakite na maeke a tautolu ke taute pihia foki.—Mika 7:7; Iakopo 5:7, 8.
Lata ke fakatali fakatekiteki ki a Iehova ke taute taha mena mo e falanaki to fakatotoka e ia e tau mamahi he magaaho ni haana
12. Ko e heigoa ka fakaako e tautolu mai ia Hapakuka?
12 Ko e heigoa ka fakaako e tautolu mai he eketaha ha Hapakuka? Fakamua, lata a tautolu ke nakai oti e liogi ki a Iehova pete ni e tau lekua ne moua e tautolu. Uaaki, lata a tautolu ke fanogonogo ke he mena ne talahau e Iehova ki a tautolu puhala he haana Kupu mo e fakatokatokaaga. Mo e toluaki, lata a tautolu ke fakatali fakatekiteki ki a Iehova ke taute taha mena mo e falanaki to fakatotoka e ia e tau mamahi ha tautolu he magaaho ni Haana. Ka fifitaki e tautolu a Hapakuka, to moua e tautolu e mafola he manamanatuaga ti maeke ke fakauka. To lagomatai he amaamanakiaga ha tautolu a tautolu ke fakauka mo e fiafia pete ni e tau lekua ha tautolu. Mauokafua a tautolu to taute he ha tautolu a Matua he lagi e taha mena.—Roma 12:12.
13. Fakamafana fēfē e Iehova a Hapakuka?
13 Totou Hapakuka 2:3. Maeke a tautolu ke iloa tonu kua fiafia a Iehova ha kua fifili e Hapakuka ke fakatali ki a Ia ke taute taha mena. Iloa tonu he Malolō Ue Atu e matematekelea ha Hapakuka, ti fakamafana e Ia e perofeta mo e tala age totonu ki ai to tali atu a Ia ke he tau hūhū mooli haana. To nakai leva ti moua e Hapakuka e totokaaga ke he tau tupetupe oti haana. Tuga kua tala age a Iehova ki a Hapakuka: “Kia fakauka mo e falanaki ki a au. To tali e au e liogi haau, pete foki he tuga kua mule.” Fakamanatu e Iehova ki a Hapakuka kua fitā e fifili e Ia e magaaho ka fakamooli e tau maveheaga Haana. Ti fakamalolō e ia a Hapakuka ke tumau e fakatali. He fakaotiaga, to nakai hogohogo manava e perofeta.
Ko e ha kua eketaha a tautolu ke taute e tau mena oti ke lata mo Iehova? (Kikite paratafa 14)
14. Ko e heigoa kua lata a tautolu ke eketaha ke taute ka matematekelea he tau kamatamata?
14 Lata foki a tautolu ke fakatali ki a Iehova ke taute taha mena. Lata foki a tautolu ke fanogonogo fakamitaki ke he mena ne tala mai e ia ki a tautolu. To moua e tautolu e mauokafua mo e mafola he manamanatuaga pete ne tau kamatamata ne kua matematekelea a tautolu. Fakamalolō e Iesu a tautolu ke nakai hagaaki ke he “tau vaha mo e tau tau” ne nakaila talahau he Atua ki a tautolu. (Gahua 1:7) Lata a tautolu ke falanaki kua iloa e Iehova e magaaho mitaki lahi mahaki ke taute taha mena. Ko e mena ia, lata a tautolu ke nakai mahala ka kia fakatokolalo mo e fakauka mo e tua ke he Atua. He fakatali a tautolu, lata ke fakaaoga fakailoilo e tau magaaho ha tautolu mo e fekafekau katoatoa ki a Iehova.—Mareko 13:35-37; Kalatia 6:9.
FOAKI E IEHOVA E MOUI KI A LAUTOLU NE FALANAKI KI A IA
15, 16. (a) Ko e heigoa e tau maveheaga ka moua e tautolu he tohi ha Hapakuka? (e) Ko e heigoa kua fakaako he tau maveheaga nei ki a tautolu?
15 Mavehe e Iehova: “To moui e tagata tututonu ke he hana tua,” mo e “to puke e lalolagi ke he maama he lilifu a Iehova.” (Hapakuka 2:4, 14) Ē, mavehe a Iehova ke foaki e moui tukulagi ki a lautolu kua fakauka mo e falanaki ki a ia.
Hapakuka 2:4 ne aoga lahi ha kua fatiaki lagatolu he aposetolo ko Paulo he tau tohi haana! (Roma 1:17; Kalatia 3:11; Heperu 10:38) Maeke a tautolu ke iloa tonu pete ne tau tuaga uka kua matematekelea ai a tautolu, to kitia e tautolu e tau maveheaga ha Iehova kua fakamooli ka falanaki a tautolu ki a ia. Manako a Iehova ki a tautolu ke hagaaki ke he amaamanakiaga ha tautolu ma e anoiha.
16 Ko e maveheaga ne moua he17. Ko e heigoa kua mavehe mai e Iehova ki a tautolu to taute e ia kaeke ke falanaki a tautolu ki a ia?
17 Ko e tohi ha Hapakuka ne ha ha i ai e fakaakoaga malolō lahi ma tautolu oti ne nonofo he tau aho fakahiku. Mavehe e Iehova e moui tukulagi ke he ha tagata tututonu ne falanaki ki a ia. Kia fakatumau a tautolu ke fakamalolō e falanaki ha tautolu ke he Atua, pete ne tau lekua mo e tau tupetupe ha tautolu. Ko e mena ne tala age e Iehova ki a Hapakuka kua lagomatai a tautolu ke iloa to lalago mo e laveaki e Ia a tautolu. Ole totonu a Ia ki a tautolu ke falanaki mo e ke fakatali fakatekiteki ke he magaaho ne kua fitā he fakatū e ia ma e Kautu haana ke pule he lalolagi. He magaaho ia, to puke e lalolagi ke he tau tagata fiafia mo e mafola kua tapuaki ki a Iehova.—Mataio 5:5; Heperu 10:36-39.
FALANAKI KI A IEHOVA TI FIAFIA
18. Lauia fēfē a Hapakuka ha ko e tau kupu ha Iehova?
18 Totou Hapakuka 3:16-19. Ko e mena ne tala age e Iehova ki a Hapakuka kua lauia lahi ki a ia. Manamanatu fakahokulo a Hapakuka ke he tau mena ofoofogia ne taute e Iehova ma e tau tagata Haana i tuai. Kua fakamalolō mogonei e falanaki haana ki a Iehova. Iloa mooli e ia to fai mena ka taute mafiti e Iehova! Fakamafana he mena nei e perofeta, pete he iloa e ia kua liga hoko agaia e matematekelea ki a ia mogonei. Nakai liu a Hapakuka ke fakauaua. Ka e tua katoatoa a ia ki a Iehova ke laveaki a ia. Ko e mena ne talahau e ia he kupu 18 ne liga ko e taha he tau talahauaga ne mua atu e falanaki kua totou e tautolu he Tohi Tapu. Falu pulotu ne talitonu kua kakano ai: “To hopohopo au he fiafia ke he Iki; to mavilo fano au he fiafia ke he Atua.” Ko e fakaakoaga malolō lahi ma tautolu oti! Nakai ni foaki mai e Iehova ki a tautolu e tau maveheaga homo ue atu ma e anoiha, ka e fakamafana foki e Ia a tautolu to nakai leva ti fakamooli e Ia e tau maveheaga haana.
19. Fakamafana fēfē e Iehova a tautolu tuga a Hapakuka?
19 Ko e fakaakoaga aoga lahi ne iloa e tautolu mai he tohi ha Hapakuka ko e falanaki ki a Iehova. (Hapakuka 2:4) Ke falanaki tumau ki a Iehova, lata a tautolu ke fakamalolō e fakafetuiaga ha tautolu mo ia. Ti hanei e mena kua lata a tautolu ke taute (1) Liogi tumau, he tala age ki a Iehova e tau tupetupe mo e tau fakaatukehe oti ha tautolu. (2) Fanogonogo fakamitaki ke he mena ne talahau e Iehova ki a tautolu he Kupu haana, ti muitua ke he takitakiaga ne foaki mai puhala he fakatokatokaaga haana. (3) Kia mahani fakamooli mo e fakauka he fakatali a tautolu ke fakamooli e Iehova haana tau maveheaga. Ko e mena ia ne taute e Hapakuka. Pete he matematekelea lahi a ia he mogo ne kamata e fakatutalaaga haana mo Iehova, he fakaotiaga kua fakamalolō mo e fiafia a ia! Ka fifitaki a tautolu ki a Hapakuka, to fakamafana foki a tautolu ha ko e kuku mafanatia he ha tautolu a Matua he lagi ko Iehova. Ko e heigoa e mafanatia lahi ka moua e tautolu he lalolagi kelea nei?