Ko e Heigoa e Amaamanakiaga ma Lautolu ne Mamate?
Kua lauia a tautolu oti he mate. Ka e oti mooli kia ka mate? Kua nimo tukulagi kia a lautolu ne mamate? Fai amaamanakiaga nakai ma lautolu ne mamate?
MANAMANATU KE HE TALAHAUAGA HE TOHI TAPU:
NAKAI NIMO A LAUTOLU NE MAMATE
“Lautolu katoa ha he tau tukuaga [fakamanatu to] o mai ai.”—Ioane 5:28, 29.
Manatu he Atua a lautolu ne mamate; ko lautolu he manamanatuaga haana to liliu ke momoui.
TO FAI FAKALIU TU MAI KE HE LALOLAGI
“Ke liu foki tutu mai a lautolu kua mamate, ko lautolu ne tututonu katoa mo lautolu ne hepehepe.”—Gahua 24:15.
To totou piliona ka liu fakamomoui ti amaamanaki ke momoui tukulagi he mafola lahi mahaki.
KUA MOOLI E AMAAMANAKIAGA HE LIU TU MAI
“Totou [he Atua] e tau fetu poke ne fiha; kua ui e ia ha lautolu a tau higoa oti kana.”—Salamo 147:4.
Ke maeke ke fakahigoa e tau fetū oti kana, kua mukamuka lahi mogoia ma e Atua ke manatu e tau tagata ka fakaliu tu mai e ia.