Tau Tagata Fou he Kau Fakatufono

HE Aho Faiumu, Oketopa 2, 1999, ne fakaoti e Fonoaga Lagataha he Tau he Watch Tower Bible and Tract Society of Pennsylvania aki e fakailoaaga ofogia. Ko e 10,594 ne ha ha i ai po kua matutaki ke he telefoni kua olioli lahi ke logona fa e tagata fou kua lafi ke he Kau Fakatufono he Tau Fakamoli a Iehova. Ko e tau tagata fou, ko e tau Kerisiano fakauku oti, ko Samuel F. Herd; M. Stephen Lett; Guy H. Pierce; mo David H. Splane.

• Ko Samuel Herd ne kamata e paionia he 1958, mo e mai he 1965 ke he 1997, kua ha ha a ia he gahua he takaiaga mo e fahimotu. Mole atu ai, ko ia mo e hana hoana ko Gloria, kua ha ha he magafaoa Peteli he Tau Fahi Kaufakalataha, ne gahua ai e Matakainaga Herd he Fahi Fekafekau. Kua lagomatai atu foki a ia ke he Komiti Fekafekau.

• Ko Stephen Lett ne kamata e paionia ia Tesemo 1966, mo e mai he 1967 ke he 1971, ne fekafekau a ia he Peteli he Tau Fahi Kaufakalataha. Ia Oketopa 1971, ne mau e ia hana hoana, ko Susan, mo e fakaholo atu ke he fekafekauaga paionia pauaki. Mai he 1979 ke he 1998, ne fekafekau a ia mo leveki he takaiaga. Tali mai ia Aperila 1998, kua fakalataha a ia mo Susan ke he magafaoa Peteli he Tau Fahi Kaufakalataha. Ne gahua a ia he Fahi Fekafekau mo e lagomatai ke he Komiti Fakaako.

• Ko Guy Pierce ne fai magafaoa ne feaki mo e kamata e paionia mo e hana hoana ia Aperila 1982. Ne fekafekau a ia mo leveki he takaiaga mai he 1986 ato hoko ke he 1997, ko e magaaho ne matutaki atu a ia mo e hana hoana, ko Penny, ke he magafaoa Peteli he Tau Fahi Kaufakalataha. Ne fekafekau e Matakainaga Pierce mo lagomatai ke he Komiti Leveki Tagata.

• Ko David Splane ne kamata e paionia ia Sepetema 1963. Ne paase mai a ia he vahega ke 42 aki i Kiliata, ne fekafekau mo misionare i Senekala, Aferika, mo e 19 e tau tau he gahua he takaiaga i Kanata. Ko ia mo e hana hoana, ko Linda, kua nonofo he Peteli he Tau Fahi Kaufakalataha tali mai he 1990, ne gahua ai e Matakainaga Splane he tau fahi Fekafekau mo e Tohitohi. Tali mai he 1998, ne lagomatai a ia ke he Komiti Tohitohi.

Ke lafi atu ki a lautolu ne fou, he mogonei kua ha ha he Kau Fakatufono ko C. W. Barber, J. E. Barr, M. G. Henschel, G. Lösch, T. Jaracz, K. F. Klein, A. D. Schroeder, L. A. Swingle, mo D. Sydlik. Ko e liogi ha tautolu oti ke fakatumau a Iehova ke fakamonuina mo e fakamalolo e Kau Fakatufono, kua fakalahi he mogonei, he fakaholo atu a lautolu ke leveki e tau gahua he tau tagata he Atua he lalolagi katoa mo e foaki ma e tau fiafia fakaagaga ha lautolu.