Fakamalolo e Iehova a Lautolu ne Lolelole
Fakamalolo e Iehova a Lautolu ne Lolelole
“To foaki atu e [Iehova] e malolo kia lautolu kua lolelole; ka ko lautolu kua nakai fai malolo to fakatupu fakalahi e ia e malolo kia lautolu.”—ISAIA 40:29.
1. Fakamaama e malolo ne toka he tau mena ne tufugatia he Atua.
NAKAI fai fakaotiaga e malolo a Iehova. Mo e ko e lahi ha ia he malolo ne toka he tau mena nukua tufugatia e ia! Ko e etomo itikuhila—ko e atiaga he tau mena oti kana—nukua tote lahi mahaki ti maeke ke ha ha he hihina vala vai e teau piliona mo e piliona he tau etomo. * Kua falanaki e tau momoui oti he lalolagi ha tautolu ke he malolo ne moua mai he tau gahuahuaaga fakaetomo he la. Ka e lahi fefe e malolo sola ke maeke ke tumau e momoui he tau mena he lalolagi? Kua moua ni he lalolagi e vala tote he malolo katoa ne moua mai he la. Moha ia, ko e vala tote itikuhila he malolo he la ne to ke he lalolagi kua lahi atu mai he malolo katoatoa ne fakaaoga he tau fale gahua he lalolagi.
2. Kehe ai, ko e heigoa ne talahau he Isaia 40:26 hagaao ke he malolo ha Iehova?
2 He manamanatu a tautolu ke he etomo po ke onoono katoa a tautolu ke he lalolagi mo e lagi katoatoa, kua nava a tautolu ke he malolo ue atu ha Iehova. Ko e mena ia ati pehe a ia: “Hahaga hake a ki luga mo e kitekite ā mutolu, po ko hai ne eke e tau mena nai? Kua takitaki mai ha lautolu a tau kau kua totou, ti ui e ia a lautolu oti Isaia 40:26) E, kua “mana lahi” a Iehova, ti ko ia ko e Punaaga he “malolo lahi” ne fakaaoga ke tufugatia aki e lalolagi mo e lagi katoatoa.
ke he tau higoa ha lautolu, ko e hana malolo lahi mo e hana mana lahi; nakai ni galo taha ia lautolu.” (Lata mo e Malolo Mua Ue Atu
3, 4. (a) Ko e heigoa falu mena kua liga fakalolelole aki a tautolu? (e) Ko e heigoa e huhu kua lata ke tutala ki ai?
3 Ha kua nakai fai fakaotiaga e malolo he Atua, kua lolelole e tau tagata. He ha mena ne o a tautolu ki ai, kua kitia e tautolu e tau tagata lolelole. Ne ala hake a lautolu mo e lolelole, o ke gahua po ke aoga mo e lolelole, hau ki kaina mo e lolelole, fano ke mohe nakai ni lolelole ka e mategugu. Kua manako e falu ke o a lautolu ke he taha matakavi ke moua taha okioki lahi. Ma e tau fekafekau ha Iehova, kua lolelole foki a tautolu, ha ko e tau momoui mahani Atua ha tautolu nukua peehi e eketaha. (Mareko 6:30, 31; Luka 13:24; 1 Timoteo 4:8) Mo e loga atu foki e tau mena ne fofo e malolo ha tautolu.
4 Pete ni ko e tau Kerisiano a tautolu, nakai ataina a tautolu mai he tau lekua ne hoko ke he tau tagata oti. (Iopu 14:1) Ko e tatalu, tau hikihikiaga fakatupe, po ke falu tuaga uka ne fa mahani mo e moui kua liga fakatupu e fakalolelole, mo e tau lauiaaga lolelole. Lafi ke he tau paleko nei ko e tau kamatamata ne tatai ki a lautolu ne favale ki ai ha ko e mahani tututonu. (2 Timoteo 3:12; 1 Peteru 3:14) Ha ko e tau pehiaaga he tau aho takitaha mai he lalolagi mo e totokoaga ke he ha tautolu a gahua fakamatala he Kautu, falu ia tautolu ne liga mategugu ti logona e tautolu e manako ke fakamanou hifo he fekafekauaga a Iehova. Lafi ki ai, he lali ke moumou e fakamoliaga ha tautolu ke he Atua, kua fakaaoga he Tiapolo ko Satani e tau puhala oti ke he malolo hana. Ti moua fefe mogoia e tautolu e malolo fakaagaga kua lata ke fakatumau mai he lolelole mo e tiaki?
5. Ko e ha nukua lata mo e malolo ue atu ke maeke ke fakatumau he fekafekauaga Kerisiano ha tautolu?
5 Ma e malolo fakaagaga, kua lata ia tautolu ke falanaki ki a Iehova, ko e Tufuga malolo lahi ue atu. Ne fakakite mai he aposetolo ko Paulo kua lata ke lahi mahaki e malolo ma e tau tagata nakai mitaki katoatoa he fekafekauaga Kerisiano. Ne tohi e ia: “Ha ha ia mautolu e koloa nai ke he tau kapiniu kelekele, kia ha ha he Atua e lahi ue atu he malolo, ka e nakai mai ia mautolu.” (2 Korinito 4:7) Kua taute he tau Kerisiano e “gahua he fakafeilo” mo e tokotu he tau ekegahua ha lautolu ne moua e amaamanakiaga ke he lalolagi. (2 Korinito 5:18; Ioane 10:16; Fakakiteaga 7:9) Ha ko tautolu ko e tau tagata nakai mitaki katoatoa ha ne taute e gahua he Atua he puhopuho e favaleaga, kua nakai maeke ia tautolu ke taute he malolo ni ha tautolu. Kua lagomatai e Iehova a tautolu puhala mai he hana agaga tapu, mo e ko e lolelole ha tautolu kua fakakite hana malolo. Mo e mafanatia ha ia ha tautolu he fakamoliaga kua “tokotu e Iehova a lautolu ne tututonu”!—Salamo 37:17.
‘Ko Iehova ko e ha Tautolu a Malolo’
6. Fakamalolo fefe he Tohiaga Tapu a tautolu ko Iehova ko e Punaaga he malolo ha tautolu?
6 Ko e Matua ha tautolu he lagi kua “malolo lahi” ti mukamuka lahi ke tupuola ia tautolu. Kua talahau ki a tautolu: “To foaki atu e [Iehova] e malolo kia lautolu kua lolelole; ka ko lautolu kua nakai fai malolo to fakatupu fakalahi e ia e malolo kia lautolu. To lolelole mo e mategugu e tau fuata; ko e tau taulekaleka foki to veveli ni a lautolu. Ka ko lautolu kua tatali kia Iehova, to fakafou ai ha lautolu a malolo; to o hake a lautolu ke he tau tapakau po ke tau aeto; to tafepoi a lautolu ka e nakai mategugu; to o a lautolu, ka e nakai lolelole ai a lautolu.” (Isaia 40:29-31) Ha ko e holo ki mua he tau peehiaga, kua logona e tautolu falu magaaho kua tuga e tagata poi mategugu ne nakai maeke he tau hui ke poi mamao atu. Ka ko e fakaotiaga he laini he poitufi ma e moui kua haia ni i mua, ti kua nakai lata ia tautolu ke fakalolelole. (2 Nofoaga he Tau Patuiki 29:11) Ko e ha tautolu a Fi, ko e Tiapolo, hane fano viko a ia “tuga ne leona tagi,” ti manako a ia ke taofi a tautolu. (1 Peteru 5:8) Kia manatu e tautolu ko ‘Iehova ko e malolo mo e akau punuti ha tautolu,’ ti kua taute e ia loga e tau foakiaga ‘ke age ki a lautolu ne lolelole e malolo.’—Salamo 28:7.
7, 8. Ko e heigoa e fakamoliaga i ai ne fakamalolo e Iehova a Tavita, Hapakuka, mo Paulo?
7 Ne age e Iehova ki a Tavita e malolo kua lata ke fakatumau he felauaki mo e tau mena uka lalahi. Mo e tua mo e mauokafua katoatoa, ati tohi e Tavita: “Ko e Atua ni ke eke ai a mautolu mo tau toa; ha ko ia ni ke taholi ki lalo a lautolu kua fai fi Salamo 60:12) Ne fakamalolo foki e Iehova a Hapakuka ke maeke ia ia ke fakakatoatoa e kotofaaga hana ko e perofeta. He talahau e Hapakuka 3:19: “Ko e Iki ko Iehova, ko e haku a malolo a ia, kua eke e ia haku tau hui ke tuga ne tau hui he aila, ko ia foki ke fano ai au ke he haku a tau mena tokoluga.” Ti aoga lahi foki e fakafifitakiaga ha Paulo, ne tohi: “Kua maeke ia au e tau mena oti kana ke he fakamalolo mai [he Atua] kia au.”—Filipi 4:13.
kia mautolu.” (8 Tuga a Tavita, Hapakuka, mo Paulo, kua lata ia tautolu ke fakagahua e tua ke he lotomatala he Atua ke fakamalolo a tautolu mo e hana malolo ke fakahao a tautolu. Mataala ai ko Iehova ko e Iki Pule Katoatoa, ko e ha tautolu a Punaaga he “malolo,” kia onoono la tautolu mogonei ke he falu puhala ke moua e malolo fakaagaga mai he tau foakiaga ne kua fakatupu loga he Atua.
Tau Foakiaga Fakaagaga ke Fakatupuola Aki a Tautolu
9. Ko e heigoa e matagahua he tau tohi Kerisiano ne taute ke fakatupuola aki a tautolu?
9 Ko e fakaako fakamakutu ke he tau Tohiaga Tapu fakalataha mo e lagomatai he tau tohi Kerisiano ka fakatupuola mo e fakatumau aki a tautolu. Ne lologo e salamo: “Uhoaki e tagata . . . ko e fakatufono a Iehova kua fiafia ai a ia, ti manamanatu a ia ke he tau fakatufono hana ke he aho katoa mo e po. To lata a ia mo e akau kua to ke he tapa ke he tau vai lele, to fua mai ke he hana tau fua ke he tau ni hana; to nakai mokulu foki hana tau lau, to monuina foki a ia ke he tau mena oti kana ke eke e ia.” (Salamo 1:1-3) Tuga ni kua lata ia tautolu he kai ke fakatumau e malolo he tino, kua lata ia tautolu ke uta e tau mena kai fakaagaga ne foaki he Atua ne puhala mai he hana Kupu mo e tau tohi Kerisiano ke fakatumau e malolo fakaagaga ha tautolu. Ko e mena ia, ko e fakaako fai kakano mo e manamanatu kua latatonu.
10. Mogo fe ka liga moua e tautolu e magaaho ke fakaako mo e manamanatu hokulo?
10 Ko e palepale moli ke manamanatu fakahokulo ke he “tau mena hokulo ia he Atua.” (1 Korinito 2:10) Ka ko e tau mogo fefe ka moua e tautolu e magaaho ke manamanatu fakahokulo? Ko e tama tane a Aperahamo ko Isaako ne ‘fano ke he fonua ke he magaaho afiafi ke manamanatu ai.’ (Kenese 24:63-67) Ko e salamo ko Tavita ‘ne manamanatu ai ke he Atua he tau leoleoaga he po.’ (Salamo 63:6) Kua liga fakaako e tautolu e Kupu he Atua mo e manamanatu ki ai ke he magaaho pogipogi, ke he magaaho afiafi, ke he po—e, he ha magaaho. Ko e fakaakoaga mo e manamanatu pihia ka takitaki ke he taha foki he tau foakiaga fakamalolo fakaagaga ha Iehova—ko e liogi.
11. Kua lata he ha ia tautolu ke pipi e aoga lahi ke he liogi tumau?
11 Ko e liogi tumau ke he Atua kua lagomatai a tautolu ke tupuola a tautolu. Ko e mena ia ma tautolu ke “fakamakamaka ke he liogi.” (Roma 12:12) Falu magaaho, kua lata ia tautolu ke ole fakamahino ma e pulotu mo e malolo kua lata ke fahia mai he kamatamata. (Iakopo 1:5-8) Kia fakaaue mo e fakaheke foki e tautolu e Atua ka kitia e tautolu e gahuahuaaga he hana tau finagalo po ke kitia kua fakamalolo e ia a tautolu ke fakatumau he hana fekafekauaga. (Filipi 4:6, 7) Ka fakatata tumau a tautolu ki a Iehova he liogi, to nakai tiaki e ia a tautolu. “Kitiala,” he lologo e Tavita, “ko e Atua ko e haku a lagomatai ia.”—Salamo 54:4.
12. Ko e lata he ha ia tautolu ke ole ke he Atua ma e hana a agaga tapu?
12 Ko e Matua ha tautolu he lagi kua fakatupuolamoui a tautolu mo e fakamalolo a tautolu he puhala he hana agaga tapu, po ke malolo gahuahua. Ne tohi e Paulo: “Kua fakatokotui ai au ke he Matua . . . kia foaki e ia kia mutolu fakalata ke he lahi ue atu he hana lilifu, kia fakamalolo a mutolu ke he mana he hana Agaga ke he tagata i loto.” (Efeso 3:14-16) Kua lata a tautolu ke liogi ma e agaga tapu, mauokafua to fakamonuina aki e Iehova a tautolu. Ne fakakakano e Iesu: Ka ole mai e tama ke he ika, to age kia he matua tane fakaalofa e gata ki a ia? Nakai pihia. Ati, fakahiku e ia: “Ko mutolu ne [agahala lahi po ke tote e] mahani kelea, kaeke kua iloa e mutolu ke uta e tau mena mitaki mo e tau fanau ha mutolu; ka e nakai kia mua e Matua ha mutolu ha ha he lagi ke foaki mai e Agaga Tapu kia lautolu ka ole atu ai kia ia?” (Luka 11:11-13) Kia liogi a tautolu ma e mauokafua pihia mo e manatu tumau ko e tau fekafekau tua fakamoli he Atua ka “fakamalolo” aki e malolo mai he agaga hana.
Ko e Lagomatai Fakamalolo e Fakapotopotoaga
13. Fefe e onoonoaga ha tautolu ke he tau feleveiaaga faka-Kerisiano?
13 Ne fakatupuola e Iehova a tautolu he puhala he tau feleveiaaga he fakapotopotoaga Kerisiano. Ne pehe a Iesu: “Ko e mena kua fakapotopoto ai e tokoua po ke tokotolu ke he haku a higoa, ko au ha ha i ai fakalataha mo lautolu.” (Mataio 18:20) He magaaho ne taute e Iesu e maveheaga ia, ne fakatutala a ia ke he tau matakupu kua lata ke onoono ki ai a lautolu kua takitaki e fakapotopotoaga. (Mataio 18:15-19) Pete ia, ko e tau kupu hana kua fakamatapatu atu ke he tau feleveiaaga, tau toloaga, mo e tau fonoaga oti ha tautolu, nukua hafagi mo e fakaoti aki e liogi ke he hana higoa. (Ioane 14:14) Ti ko e kotofaaga ke fakalataha ke he tau fakapotopotoaga Kerisiano pihia, pete he toko gahoa po ke tokoafe i ai. Lata mogoia ia tautolu ke fakakite e aga fakaaue ma e tau magaaho nei ne talaga ke fakamalolo a tautolu fakaagaga mo e fakalagalaga a tautolu ke he fakaalofa mo e tau gahua mitaki.—Heperu 10:24, 25.
14. Ko e heigoa e aoga kua moua e tautolu mai he tau laliaga he tau motua Kerisiano?
14 Kua foaki he tau motua Kerisiano e lagomataiaga mo e fakamaloloaga fakaagaga. (1 Peteru 5:2, 3) Ne lagomatai mo e fakamalolo e Paulo e tau fakapotopotoaga ne fekafekau a ia i ai, tuga ne taute he tau leveki faifano he vaha nei. Pihia foki, ne manako a ia ke fakalataha mo e tau matakainaga talitonu ke liga maeke ke feutaaki e femafanaaki he fakamaloloaga. (Gahua 14:19-22; Roma 1:11, 12) Kia fakakite tumau e tautolu e loto fakaaue ke he ha tautolu a tau motua he fakapotopotoaga mo e falu leveki Kerisiano, ne taute e vala lahi he fakamalolo fakaagaga a tautolu.
15. Fakamoli fefe e tau matakainaga talitonu he fakapotopotoaga ha tautolu ke eke mo “fakamafanatia”?
15 Ko e tau tagata talitonu ne fakakatoatoa e fakapotopotoaga ha tautolu kua eke mo “fakamafanatia.” (Kolose 4:10, 11) Ko e ‘tau kapitiga moli’ kua maeke ia lautolu ke lagomatai a tautolu he tau magaaho tupetupe. (Tau Fakatai 17:17) Tuga anei, he fakatoka mai e tau fekafekau toko 220 he Atua mai he kemu pagota i Sachsenhausen i lalo hifo he leoleo Nasi he 1945, ne o hui a lautolu ke 200 e kilomita. Ne fenoga a lautolu he matakau, mo e ko lautolu ne malolo ka toho a lautolu he tau peleo ikiiki gahoa. Ko e fua? He fenoga ia ko e tau momoui ne mamate kua molea e 10,000 he tau tagata he kemu pagota, ka e nakai taha he Tau Fakamoli a Iehova ne mate. Ko e tau tala pihia ne kitia he tau tohi he Watch Tower, fakalataha mo e Yearbook of Jehovah’s Witnesses mo e Jehovah’s Witnesses—Proclaimers of God’s Kingdom, nukua fakamoli kua fakamalolo he Atua hana tau tagata, ke nakai maeke ia lautolu ke lolelole.—Kalatia 6:9. *
Fakamalolo he Fekafekauaga he Fonua ha Tautolu
16. Fakamalolo fakaagaga fefe a tautolu he fakalataha tumau ke he fekafekauaga?
16 Ko e fakalataha tumau ke he gahua fakamatala he Kautu kua fakamalolo fakaagaga a tautolu. Kua lagomatai he gahua pihia a tautolu ke hagaaki tumau ke he Kautu he Atua mo e tokaloto e tumau tukumalagi mo e hana tau fakamonuinaaga. (Iuta 20, 21) Ko e tau maveheaga faka-Tohiaga Tapu kua tutala a tautolu ki ai he fekafekauaga ha tautolu kua foaki mai ki a tautolu e amaamanakiaga ti taute a tautolu ke fifili tuga e perofeta ko Mika, ne pehe: “Ko tautolu foki, to o a tautolu ke he higoa a Iehova ha tautolu a Atua tukulagi tukumuitea.”—Mika 4:5.
17. Ko e heigoa e tau lagomataiaga kua foaki hagaao ke he tau fakaako Tohi Tapu he kaina?
17 Ko e fakafetuiaga ni ha tautolu mo Iehova kua fakamalolo he fakaaoga fakalahi e tautolu e tau Tohiaga Tapu ke fakaako e falu. Ma e fakatai, ka taute e fakaakoaga Tohi Tapu he kaina mo e lagomataiaga he tohi Iloilo Ne Takitaki atu ke he Moui Tukulagi, kua pulotu ke totou mo e fakatutala falu he tau kupu tohi ne tu ai. Kua lagomatai he mena nei e tagata fakaako mo e fakamalolo e maamaaga fakaagaga ha tautolu ni. Ka uka e tagata fakaako ke maama e kupu tohi po ke fakataiaga, nakai ni lagataha e magaaho ke fakaaoga ke fakaako taha veveheaga he tohi Iloilo. Ko e fiafia ha ia ha tautolu ke tauteute fakamitaki mo e fakalahi e laliaga ke lagomatai falu ke fakatata ke he Atua!
18. Fakatata e puhala kua fakaaoga fakalahi e tohi Iloilo.
18 He tau tau takitaha, kua fakaaoga mitaki e tohi Iloilo ke lagomatai e tokoafe ke eke mo tau fekafekau tukulele ha Iehova, mo e putoia he mena nei e tokologa ne nakai fai maamaaga ke he Tohi Tapu. Tuga anei, he vaha tama tote agaia a ia, ne logona mahiku he tagata tane Hinitu i Siri Lanaka e Fakamoli ne tutala hagaao ke he Parataiso. He falu tau fakamui ne fina atu a ia ke he matakainaga fifine, nakai leva ti kamata foki he tane hana e fakaako Tohi Tapu mo ia. Nukua hau tumau e tama fuata tane nei ke fakaako he tau aho oti, ati oti e tohi Iloilo ke he magaaho ku. Ne kamata agataha a ia ke fina atu ke he tau feleveiaaga oti, vevehe kehe mai he hana lotu fakamua, ti eke mo tagata fakailoa he Kautu. He papatiso a ia, ne fita ni he taute e ia e fakaakoaga Tohi Tapu he kaina mo e kapitiga tata.
19. He tuku fakamua e tautolu e Kautu, ko e heigoa ke talitonu a tautolu ki ai?
19 Ko e kumi fakamua e Kautu nukua fakamalolo ha tautolu a olioli. (Mataio 6:33) Pete e feleveia a tautolu mo e tau kamatamata kehekehe, kia fakatumau e fiafia mo e fakamakai ha tautolu he fakapuloa e tala mitaki. (Tito 2:14) Tokologa ia tautolu kua hokotia ke he tau tuaga he fekafekau paionia tumau, ti fekafekau e falu he matakavi kua manako lahi ke he tau tagata fakamatala. He fakatolomaki fiafia e tautolu e tau mena he Kautu he puhala nei po ke falu puhala foki, kua mauokafua a tautolu to nakai nimo e Iehova e gahua ha tautolu mo e fakaalofa ne fakakite e tautolu ma e hana higoa.—Heperu 6:10-12.
Fakatumau ke he Malolo a Iehova
20. Fakatata fefe e tautolu kua onoono atu a tautolu ki a Iehova ma e malolo?
20 Kia fakatata katoatoa ai e tautolu, kua amaamanaki a tautolu oti ki a Iehova mo e ono atu ki a ia ma e malolo. Taute pihia e tautolu he fakaata katoatoa e tautolu a tautolu ke he tau foakiaga fakaagaga ne taute e ia puhala mai he “fekafekau fakamoli.” (Mataio 24:45) Ko e fakaako he fakapotopotoaga po ke tokotaha he Kupu he Atua fakalataha mo e lagomataiaga he tau tohi faka-Kerisiano, liogi mai he loto, lagomatai fakaagaga he tau motua, fakafifitakiaga mitaki he tau matakainaga talitonu tua fakamoli, mo e fakalataha tumau ke he fonua kua ha ha he tau foakiaga kua fakamalolo e fakafetuiaga ha tautolu mo Iehova mo e fakamalolo a tautolu ke fakatumau ke he hana fekafekauaga tapu.
21. Fakakite fefe he aposetolo ko Peteru mo Paulo e lata ma e malolo foaki he Atua?
1 Peteru 4:11) Ti fakakite e Paulo e falanaki hana ke he malolo ne foaki he Atua he magaaho ne pehe a ia: “Kua fiafia ai au ke he tau mena kua lolelole ai, ko e fakakelea mai, ko e nofogati, ko e favale mai, ko e tau mena ke fakaatukehe ai ha ko Keriso; ha ko e mena ka lolelole au, ti malolo ai au.” (2 Korinito 12:10) Kia fakatata e tautolu e fifiliaga taha ia mo e ta mai e lilifu ke he Iki Pule Katoatoa ko Iehova, nukua fakamalolo a lautolu ne lolelole.—Isaia 12:2.
21 Pete ne tau lolelole fakatagata ha tautolu, to fakamalolo e Iehova a tautolu ke taute hana finagalo kaeke ke falanaki a tautolu ki a ia ma e lagomataiaga. Mataala ke he tau manako ma e lagomatai pihia, ne tohi he aposetolo ko Peteru: “Kaeke ke fekafekau e taha kia fakalata ke he malolo kua foaki mai he Atua.” ([Tau Matahui Tala]
^ para. 1 Ko e numera nei, mai he fakatokaaga U.S. ke he tau numera, ne katoatoa ai 1 ti mui mai e 20 nakai.
^ para. 15 Lomi fakailoa he Watchtower Bible and Tract Society of New York, Inc.
To Tali Fefe e Koe?
• Kua lata he ha e tau tagata ha Iehova ke moua e malolo mua ue atu?
• Ko e heigoa e fakamoliaga faka-Tohiaga Tapu i ai kua fakamalolo he Atua hana tau fekafekau?
• Ko e heigoa falu foakiaga fakaagaga ne taute e Iehova ke fakamalolo aki a tautolu?
• Fakakite fefe e tautolu kua ono atu a tautolu ke he Atua ma e malolo?
[Tau Huhu he Fakaakoaga]
[Fakatino he lau 22]
Ko e fakafetuiaga ni ha tautolu mo Iehova kua fakamalolo he fakaaoga e tautolu e Tohi Tapu ke fakaako aki e falu