Fakamua ko e Tau Luko a Maua—Mogonei ko Maua ko e Tau Mamoe!
Fakamua ko e Tau Luko a Maua—Mogonei ko Maua ko e Tau Mamoe!
He magaaho ko e tau tama fifine ikiiki agaia a maua mo Sakina, ko e tau katofia a maua. Kua lahi a Sakina mo e mao, ka kua tote mo e pipili au. Na fa taufetoko a maua, ka e taha e aho ne tau lahi a maua. Mai he aho ia, ne nakai fevagavagahauaki po ke fakafeleveiaaki a maua. Fakahiku, ne hiki kehe a maua mo e fegaloaki e tau nonofoaga.
He 1994, ne kamata au ke fakaako e Tohi Tapu mo e Tau Fakamoli a Iehova, ti hiki fakahaga e aga fakatagata haku. Fa e tau he mole he o atu ke he aho toloaga pauaki i Bujumbura, Puruniti, ne ofo lahi au he kitia a Sakina. Ne fiafia lahi au he hau a ia, ka kua maimaina e feleveiaaga ha maua. Fakamui he aho ia, ne ofo au ke kitia a ia kua haia mo lautolu ka papatiso! Kua hiki foki a ia. Kua nakai eke a ia mo tagata ne fa taufetoko mo au. Ko e homo a ia ke kitia a ia ne fakamoli e tukuleleaga hana ke he Atua he papatiso he vai!
He mafuta hake a ia mai he vai, ne mafiti au ke peka ki a ia mo e fanafana age: “Manatu nakai e koe na fa latau a taua?” “E,” he talahau e ia, “Manatu e au, ka kua mole tuai e mena ia. Ko e tagata fou au mogonei.”
Kua fiafia lahi a maua tokoua he moua e kupu moli he Tohi Tapu ne fakalataha aki a maua mo e hiki aki e tau aga fakatagata tuga e tau luko ha maua ke he aga he tau mamoe he Leveki Mua ue Atua, ko Iehova ko e Atua. Haia, kua maeke lahi he kupu moli he Tohi Tapu ke hiki e tau momoui.