“Aka Ke he Tau Huki” Kia a Koe?

HE TAU vaha i tuai he Tohi Tapu, ko e huki tahoka povi—ko e akau loa, ne pili he matahoe e mata lapatoa matila—kua fakaaoga ke fakaiaia mo e fakahakohako e tau manu toho mena mamafa. Kaeke akaaka matauka e manu ka hukihuki, ko e heigoa ka fua? Nakai ne moua ai ha lagomataiaga, ka e ko e mamahi ni hoko ia ka logona e ia.

Ne tala a Iesu Keriso ne liu tu mai hagaao ke he tau huki povi he magaaho ne fakakite e ia a ia ke he tagata ko Saulo e higoa, he finage ai he magahehala ke tapaki e falu tutaki ha Iesu. Ha he magahehala e maama lahi mai he lagi, ne logona e Saulo a Iesu kua pehe age: “Saulo, Saulo na e, ko e heigoa e mena kua favale mai ai a koe kia au? ko e mena uka kia koe he aka ke he tau huki.” Ha ko e favaleaga ke he tau Kerisiano, ha ne taufetoko foki ai a Saulo ke he Atua, mo e uku atu ke he puhala ke fakamamahi ai a ia hokoia.—Gahua 26:14.

Kua fakahanoa pihia foki kia a tautolu ke “aka ke he tau huki”? Kua fakatai he Tohi Tapu “e tau kupu he tau tagata iloilo” ke he tau huki povi ne fakaohooho aki a tautolu ke o atu ke he tau hala hakohako. (Fakamatalaaga 12:11) He tomatomaaga mai he agaga he Kupu he Atua kua maeke ke fakaohooho mo e fakahakohako tonu a tautolu—kaeke talia e tautolu. (2 Timoteo 3:16) Ke aka ke he hana a tau tomatomaaga ko e mena fakamamahi ni ki a tautolu.

Kua tokaloto e Saulo e tau kupu a Iesu, mo e liliu hana a hala, mo e eke ai ko e aposetolo fakahelehele Kerisiano ko Paulo. Kia pihia foki e tau fakamonuinaaga tukulagi ke moua e tautolu ha kua omaoma ke he tau tomatomaaga he Atua.—Tau Fakatai 3:1-6.

[Fakatino Credit Line he lau 32]

L. Chapons/Illustrirte Familien-Bibel nach der deutschen Uebersetzung Dr. Martin Luthers