Fakamalolo Nakai he Tua e Tagata Gagao?

KA GAGAO, kua kumi totokaaga mo e fakamaloloaga a tautolu. Tuga a ia, iloa e koe mai he Tohi Tapu kua loga e tau magaaho ne fakamalolo e Iesu Keriso e tau vahega gagao kehekehe oti, mo e tamai e totoka ke he tokologa ia lautolu kua mamahi. Puhala fe ne fakatupu e tau fakamaloloaga pihia? Ha ko e “mana he Atua,” he talahau he Tohi Tapu. (Luka 9:42, 43; Gahua 19:11, 12) Ti, ko e agaga tapu mai he Atua ne taute e fakamaulu, nakai ko e tua hokoia ni he tagata. (Gahua 28:7-9) Ko e kakano haia ne nakai manako a Iesu ke he tau tagata gagao ke talahau e tua ha lautolu ki a ia ke maeke ke fakamalolo.

Liga manamanatu a koe: ‘Ko e fakamaulu fakamana ko e mena kia he vaha kua mole ki tua, po ke to liu nakai e tau vahega fakamaloloaga ne taute e Iesu ke fakahoko foki? Ko e heigoa e amaamanakiaga ma lautolu ne kua matematekelea he tau mamahi po ke gagao nakai fai tuluiaga?’

Ne fakamaama he Tohi Tapu ko e lalolagi fou he Atua kua tututonu, to liu foki e malolo he Atua ke futia mai e tau vahega fakamalolo fakamana ne taute e Iesu he nofo a ia he lalolagi. Kua fiafia e Tau Fakamoli a Iehova he matakavi hau ke fakakite atu ki a koe e puhala mo e magaaho ka fakakatoa ai he Atua e tau mena ne nakai maeke he tau tagata fakamalolo he tua ke taute​—ke uta kehe e tau gagao oti kana, mo e pihia foki e mate. E, ko e Atua “to fakaoti tukulagi e ia e mate.”​—Isaia 25:8