Fakamomoui, Nakai he Tau Gahua Hokoia, Ka e he Fakaalofa Noa
Fakamomoui, Nakai he Tau Gahua Hokoia, Ka e he Fakaalofa Noa
“Kua fakamomoui ai a mutolu ke he tua . . . Nakai ko e tau gahua, neke hula ai taha.”—EFESO 2:8, 9.
1. Kehe fefe e tau Kerisiano mai he tau tagata oti hagaao ke he tau mouaaga fakatagata, mo e ko e ha?
KO E tau tagata he vaha nei ne tokoluga lahi ke he tau mouaaga fakatagata, ti fa mafiti a lautolu ke fakahakehake hagaao ki ai. Kehe e tau Kerisiano. Kua fakamamao a lautolu mai he peehi e tau mouaaga ni ha lautolu, pihia foki ke he tau mena ke lata mo e tapuakiaga moli. Ha kua fiafia a lautolu ke he tau mouaaga he tau tagata ha Iehova ko e matakau, ne nakai tuku fakamua e lautolu e tau mouaaga ia. Ne mailoga e lautolu ke he fekafekauaga ha Iehova, ko e tau manatu hako kua aoga lahi ke he tau mouaaga fakatagata. Ko e ha tagata ka foaki ki ai e monuina he moui tukulagi ka moua, nakai ha ko e tau mouaaga fakatagata, ka e he tua mo e he fakaalofa noa he Atua.—Luka 17:10; Ioane 3:16.
2, 3. Ko e heigoa ne fakahakehake a Paulo i ai, mo e ko e ha?
2 Kua mailoga lahi he aposetolo ko Paulo e moliaga nei. He mole e liogi lagatolu ma e totokaaga mai he “mena mahukihuki,” ne moua e ia e tali ha Iehova: “Ko e haku a fakaalofa noa kua lata ia mo koe; ha kua fakakatoatoa haku a malolo ke he lolelole.” He talia fakatokolalo e 2 Korinito 12:7-9.
fifiliaga ha Iehova, ne pehe a Paulo: “Haia, to olioli lahi ai au, mo e hula ke he tau mena kua lolelole ai au, kia tumau ai e malolo a Keriso ki luga haku.” Ko e aga fakatokolalo ha Paulo kua lata ia tautolu ke fifitaki ki ai.—3 Pete ni kua kehe lahi a Paulo he taute e tau gahua Kerisiano, ne mailoga e ia ko e tau mouaaga hana ne nakai ha ko e ha lotomatala pauaki hana. Mo e mahani fakalatalata, ne mailoga e ia: “Kua ta mai kia au, kua muikau fakaoti ke he tau tagata tapu oti kana, e fakaalofa noa nai ke fakamatala atu e au ke he tau motu kehe e koloa lahi a Keriso kua nakai maeke ke totou.” (Efeso 3:8) Nakai ha ha ai ha aga fakahakehake po ke fakatokoluga lahi anei. “Kua totoko atu he Atua ke he tau fakatokoluga, ka e foaki e fakaalofa noa ke he tau fakatokolalo.” (Iakopo 4:6; 1 Peteru 5:5) Kua mumuitua nakai a tautolu ke he fakafifitakiaga ha Paulo he manamanatu fakatokolalo ki a tautolu ke nakai mua he tau matakainaga oti ha tautolu?
‘Manatu kua Mua e Falu’
4. Ko e ha he falu magaaho ne uka ke manamanatu kua mua e falu ki a tautolu?
4 Ne tomatoma he aposetolo ko Paulo e tau Kerisiano: “Aua neke manatu ha mena mo e fetoko mo e hula noa, ka kia igatia a mutolu mo e manatu he loto fakatokolalo kua mua e faoa oti kia [mutolu].” (Filipi 2:3) Kua liga uka e mena nei mua atu kaeke ko tautolu he tuaga kotofa. Liga uka ha kua ha ha ia tautolu e fakaohoohoaga mai he aga fetoko ne tupu lahi he lalolagi he vaha nei. Liga foki, ne fakaako a tautolu ko e tau fanau ke fepalekoaki, mo e tau lafu ha tautolu he kaina po ke tau kapitiga aoga he poko aoga. Kua liga fakamalolo tumau a tautolu ke hokotia ke he lilifu ko e tama aoga mafiti he poitufi po ke mua he vahega. Moli, ko e foaki e katoatoa ha tautolu ke he ha mena ko e navaaga ki ai. Ka e pihia e tau Kerisiano, nakai he uta e matalahi ki a lautolu ni, ka e he aoga katoatoa mai he gahua mo e liga ke aoga foki ke he falu. Pete ia, ko e tutuli tumau ke fakaheke tuga ko e numera taha kua maeke ke hagahagakelea. Pihia fefe?
5. Ka nakai tautaofi, to takitaki atu ki fe e aga fepalekoaki?
5 Ka nakai tautaofi e aga fepalekoaki po ke hula noa kua fakatupu e tagata ke nakai fai fakalilifu mo e fia lahi. Liga to mahekeheke a ia ke he tau lotomatala mo e tau kotofaaga he falu. Pehe mai e Tau Fakatai 28:22: “Ko e tagata mata nanā kua alumaki a ia he fia eke koloa a ia; ka e nakai iloa e ia to hoko age e nofogati kia ia.” Liga to foli fakatokoluga atu a ia ke he tau tuaga ne nakai tonuhia ki a ia. Ke fakamoli aki e tau mahani hana, to kamata a ia ke gugu mo e tuhituhi e falu—ko e tau aga kua lata he tau Kerisiano ke tiaki. (Iakopo 3:14-16) He ha mena ni, kua hagahagakelea a ia he feaki e aga ko au ni.
6. Hataki fefe he Tohi Tapu a tautolu ke he aga fepalekoaki?
6 Ko e mena ia, ne fakamalolo he Tohi Tapu e tau Kerisiano: “Aua neke eke a tautolu mo tau tagata hula noa, aua neke fepalekoaki a tautolu, aua neke mahekeheke a tautolu ko e taha kia taha.” (Kalatia 5:26) Ne tutala a Ioane hagaao ke he matakainaga Kerisiano ne ha ha moli e aga nei. “Ne tohi atu e au ke he ekalesia” he talahau e Ioane, “ka ko Tioterefe, ko e tagata kua fia mua kia lautolu kua nakai talia e ia a mautolu. Ko e mena ia, ka fina atu au, ti fakamanatu ai au ke he hana mahani ne eke e ia, kua fa vagahau kia mautolu ke he tau kupu kelea.” Ko e tuaga momoko ha ia ma e Kerisiano ke veli ki ai!—3 Ioane 9, 10.
7. Ko e heigoa ka manako e Kerisiano ke kalo mai he gahuaaga fepalekoaki he vaha nei?
7 Moli, kua hehe ke manamanatu kua maeke he Kerisiano ke kalo katoatoa he tau aga fepalekoaki. Ko e gahua tupe hana, ma e fakatai, kua liga putoia e fepalekoaki fakatupe mo e falu po ke tau pisinisi ne moua e tau koloa taha pihia po ke foaki e tau matagahua taha pihia. He tau tuaga ia, mogoia, to manako e Kerisiano ke taute e pisinisi hana ke he aga fakalilifu, fakaalofa, mo e manamanatu. To tiaki e ia e tau gahua nakai tohia matafakatufono po ke nakai faka-Kerisiano ti kalo a ia he eke mo tagata talahaua pauaki ke he aga fepalekoaki, he vale. To nakai logona e ia e fia numera taha—ke he ha tutuliaga—ko e mena haia ne mua atu e aoga he moui. Kaeke kua moli e mena ia ke he tau tutuliaga fakalalolagi, kua aoga moli ha ia ke he takatakaiaga he tapuakiaga!
‘Nakai Fakatatai ke he Taha’
8, 9. (a) Ko e ha e tau motua Kerisiano ne nakai fai kakano ke fepalekoaki ko e taha ke he taha? (e) Ko e ha e 1 Peteru 4:10 kua hagaao ke he tau fekafekau oti he Atua?
8 Ko e aga kua lata ke moua he tau Kerisiano kua fakamaama mai he tau kupu omoomoi nei: ‘Ka kia igatia mo e fakamoli hana ni a gahua, ti ha ha ia ia e mena ke hula ki ai a ia ni, ka e nakai fakatatai ke he taha.’ (Kalatia 6:4) Ko e tau motua he fakapotopotoaga, he iloa kua nakai fepalekoaki a lautolu ko e taha ke he taha, ne kaufakalataha mo e gahua auloa fakatata ko e matakau. Kua fiafia a lautolu ke he lalagoaga he falu ha lautolu ke lata mo e holoaga katoa he fakapotopotoaga. Kua kalo a lautolu he fepalekoaki ne moumou mo e fakatoka e fakafifitakiaga mitaki he kaufakalatahaaga ma e fakapotopotoaga katoa.
9 Ha ko e tau tau momoui, iloaaga, po ke lotomatala pauaki, kua mahomo atu e falu motua ke he falu, po ke liga kotofa age foki ki a lautolu e takitakiaga lahi. Ti ko e fua, kua ha ha he tau motua e tau matagahua kehekehe he fakatokatokaaga ha Iehova. He nakai fakatatai ai, kua manatu e lautolu e tomatomaaga: “Kia takitokotaha a mutolu mo e fekafekau ko e taha ke he taha ke he mena ia ni, ke fakalata ke he mena fakaalofa kua moua e ia, tuga ne tau fekafekau pule mitaki ke he tau mena fakaalofa [noa] kehekehe he Atua.” (1 Peteru 4:10) Moli, kua hagaao e kupu tohi nei ke he tau fekafekau oti ha Iehova, ha kua maeke ai ke moua e lautolu e mena fakaalofa he iloilo tonu mo e fiafia ke he kotofaaga he fakalataha ke he fekafekauaga Kerisiano.
10. Ko e heigoa e puhala hokoia ka talia e Iehova e fekafekauaga tapu ha tautolu?
10 Ko e fekafekauaga tapu ha tautolu kua fakafiafia a Iehova kaeke ni ke foaki e tautolu Tau Fakatai 24:12; 1 Samuela 16:7) Ti, mitaki ke huhu hifo ni a tautolu ki a tautolu ni he falu magaaho, ‘Ko e heigoa e manatu haku he taute e tau gahua he tua?’—Salamo 24:3, 4; Mataio 5:8.
mai he fakaalofa mo e fakamoli katoatoa, nakai ha ko e fakalugaluga e tautolu a tautolu ke he falu. Ko e mena ia kua aoga ai ke moua e onoonoaga lagotatai he gahua ha tautolu ke lalago e tapuakiaga moli. He nakai maeke he ha tagata ke fakafili fakatonu e tau manatu he falu, ko Iehova hokoia “kua kamatamata e tau loto.” (Onoonoaga Hako ke he Gahua ha Tautolu
11. Ko e heigoa e tau huhu hagaao ke he gahua ha tautolu he fekafekauaga kua mitaki ke manamanatu ki ai?
11 Kaeke kua aoga katoa e manako he moua e taliaaga ha Iehova, ti kua lata ke laulahi atu fefe e manamanatu ha tautolu ke he tau gahua he tua? He taute e tautolu e fekafekauaga ha tautolu mo e manatu hako, kua lata moli kia ke fakamau ko e heigoa ne taute po ke lahi fefe e mena ne taute e tautolu? Ko e tau huhu mitaki anei, ha kua nakai manako a tautolu ke tuku e loga lahi ke he tau gahua he tua po ke taute e hokotaki mitaki mo matapatuaga ke he gahua Kerisiano ha tautolu.
12, 13. (a) Ko e heigoa falu kakano ne kua fakamau hifo e tautolu e gahua he fonua ha tautolu? (e) Ko e heigoa e tau kakano ati olioli a tautolu ka kitia e hokotaki katoa he gahua fakamatala ha tautolu?
12 Mailoga e mena ne talahau he Organized to Do Jehovah’s Will: “Ko e tau tutaki fakamua atu ha Iesu Keriso ne fiafia ke he tau hokotaki he tupu ki mua ke he gahua fakamatala. (Mareko 6:30) Ko e tohi ha Gahua he Tohi Tapu kua talahau ki a tautolu ko e kavi ke he 120 e tagata ne fakalataha ai he magaaho ne liligi hifo e agaga tapu ke he tau tutaki he Penetekoso. Nakai leva ti tupu tokologa ke he 3,000 ti hoko atu ke he 5,000. . . . (Gahua 1:15; 2:5-11, 41, 47; 4:4; 6:7) Ko e fakamaloloaga mitaki ha ia he tau vala tala nei he tupu ki mua ne logona he tau tutaki!” Ma e kakano taha ia, kua lali lahi e Tau Fakamoli a Iehova he vaha nei ke fakamau fakahako e tau mena ne taute ke he lalolagi katoa he fakamoli e tau kupu ha Iesu: “To fakamatala atu foki e tala mitaki nai he kautu ke he lalolagi oti, ke eke mo talahau ke he tau atu motu oti; ti hoko mai ai e fakaotiaga.” (Mataio 24:14) Kua foaki he tau hokotaki pihia e fakatino moli he mena kua taute ke he fonua he lalolagi. Kua fakakite e lautolu e matakavi kua lata ke lagomatai mo e vahega tohi kua lata mo e lahi atu ai ke fakatolomaki e gahua fakamatala.
Mareko 12:42, 43) Manatu, ka nakai ha ha i ai e hokotaki hau, to nakai katoatoa e hokotaki he lalolagi oti.
13 Ti, ko e hokotaki he gahua fakamatala ha tautolu kua fakamalolo a tautolu ke lauia mitaki lahi e tauteaga he poaki ke fakamatala e tala mitaki he Kautu. Taha mena foki, nakai kia fakamalolo a tautolu ka logona e tautolu e gahua ne fa e taute he tau matakainaga ha tautolu he falu fahi he lalolagi? Ko e vala tala ke he tupuaga mo e fakalaulahi atu ke he lalolagi oti kua fakapuke a tautolu aki e olioli, he omoi a tautolu ke he matagahua lalahi, mo e fakamoli ki a tautolu e fakamonuina ha Iehova. Ti ko e fiafia ha ia ke iloa ko e hokotaki fakatagata ha tautolu kua putoia ke he hokotaki he lalolagi oti! Kua tote ha tautolu he fakatatai mo e hokotaki katoa, ka e nakai galo e Iehova. (14. He nakai ni ko e fakamatala mo e fakaako, ko e heigoa ne putoia he tapuakiaga ha tautolu ki a Iehova?
14 Moli, lahi e mena ne taute he tau Fakamoli takitaha he taute e matagahua hana ko e fekafekau tukulele ha Iehova ne nakai tohi oti he hokotaki hana. Tuga anei, kua nakai tohi he hokotaki e fakaako Tohi Tapu tumau he tagata, fano mo e fai vala he tau feleveiaaga Kerisiano, tau matagahua he fakapotopotoaga, lagomatai e tau matakainaga talitonu kua lata, lalago fakatupe e gahua he Kautu he lalolagi oti, mo e falu foki. Ti, he fai vala ne taute he hokotaki ha tautolu he gahua ke he fonua, he lagomatai a tautolu ke fakatumau e makai ha tautolu ke fakamatala mo e ke kalo mai he lolelole, kua lata ia tautolu ke fakatumau e onoonoaga tonu. Kua nakai lata ke onoono ki ai ko e laisini po ke pasipoti fakaagaga, he fifili ai e ataina ha tautolu ma e moui tukulagi.
“Fakamakutu ke he Tau Gahua Mitaki”
15. Pete ne nakai fakamoui he tau gahua hokoia a tautolu, ko e ha kua lata agaia ai?
15 Maaliali ai, pete ni e nakai fakamoui he tau gahua hokoia a tautolu, kua lata agaia ni e tau mena ia. Ko e kakano haia ne fakahigoa e tau Kerisiano ko e “motu fifili kua fakamakutu ke he tau gahua mitaki” mo e kakano ne fakamalolo a lautolu ke ‘manatu foki e taha ke he taha, ke fakalagalaga ai e fakaalofa mo e tau gahua mitaki.’ (Tito 2:14; Heperu 10:24) Felauaki tonu ai, ko e taha tagata tohia Tohi Tapu, ko Iakopo, ne pehe: “Ko e mena tuga e tino kua mate ia ka noa mo e agaga, ti pihia foki e tua kua mate ia kaeke kua noa mo e tau gahua.”—Iakopo 2:26.
16. Ko e heigoa foki ne mua atu e aoga ke he tau gahua, ka ko e heigoa kua lata ia tautolu ke mataala?
16 Pete ne liga aoga e tau gahua mitaki, ko e manako ke taute ai kua mua atu e aoga. Ko e mena haia ne pulotu ma tautolu ke kamatamata e tau manako ha tautolu he taha magaaho mo e taha magaaho. Ha kua nakai fai tagata ke iloa tonu e tau manatu he falu, kua lata ni ia tautolu ke mataala he nakai fakafili e falu. “Ko hai kia a koe kua fakafili atu ke he fekafekau he taha tagata?” he huhu e tautolu, mo e tali maama: “Kua tumau a ia po ke veli ke he hana ni a iki.” (Roma 14:4) Ko Iehova, ko e Iki he tau tagata oti, mo e Fakafili ne kotofa, ko Keriso Iesu, ka fakafili a tautolu, nakai he fakave ke he tau gahua hokoia ha tautolu ka e pihia ke he fakaveaga he ha tautolu a tau manatu, tau magaaho, fakaalofa mo e fakamoli katoatoa. Ko Iehova mo Keriso Iesu ni kua tonuhia ke fakafili kua taute nakai e tautolu e tau mena kua tomatoma e tau Kerisiano ke taute, tuga he tau kupu he aposetolo ko Paulo: “Kia lalilali atu a koe kia eke a koe mo tagata kua fiafia ki ai e Atua, ko e ekegahua nakai fai mena ke mā ai, kua fakatokatoka fakahako e kupu moli.”—2 Timoteo 2:15; 2 Peteru 1:10; 3:14.
17. He tutuli ke lalilali atu a tautolu, ko e ha kua lata ke tokaloto e Iakopo 3:17?
17 Kua loto totonu a Iehova ke he mena ne amanaki a ia ki a tautolu. Hagaao ki a Iakopo 3:17, “ko e iloilo mai luga,” ke he falu mena, ko e ‘loto totonu.’ Nakai kia ko e puhala he pulotu a ia, pihia mo e mouaaga moli, ma tautolu ke fifitaki a Iehova ke he mena nei? Ti, kua lata ia tautolu ke nakai lali ke fakatoka e tau amaamanakiaga nakai loto totonu mo e uka ke foli ma tautolu po ke ma e tau matakainaga ha tautolu.
18. Ko e heigoa kua amaamanaki atu a tautolu ki ai ka ha ha ia tautolu e onoonoaga lagotatai he tau gahua ha tautolu mo e fakaalofa noa ha Iehova?
18 He fakatumau e onoonoaga lagotatai ha tautolu ke he tau gahua he tua mo e fakaalofa noa ha Iehova, to fakatumau e tautolu e olioli ne fakakite e fakamailoga he tau fekafekau moli ha Iehova. (Isaia 65:13, 14) Maeke ia tautolu ke olioli e tau monuina ne liligi mai e Iehova ke he tau tagata oti hana, pete he lahi e mena kua maeke ia tautolu takitokotaha ke taute. Fakatumau ke “liogi, mo e ole, katoa mo e fakaaue,” to ole a tautolu ke he Atua ke lagomatai a tautolu ke lalilali atu fakalahi. Nakai fakauaua ai, “ko e monuina foki mai he Atua kua mua ue atu ke he tau mena oti kua manamanatu ki ai, to leveki ai e tau loto ha [tautolu], katoa mo e tau manatu ha [tautolu] kia Keriso Iesu.” (Filipi 4:4-7) E, maeke ia tautolu ke moua e fakamafanaaga mo e fakamaloloaga mai he iloa to maeke ke fakamoui a tautolu, nakai ha ko e tau gahua hokoia, ka ko e fakaalofa noa ha Iehova!
Maeke Nakai a Koe ke Fakamaama e Kakano he Tau Kerisiano
• ne fakamamao mai he fakahakehake hagaao ke he tau mouaaga fakatagata?
• ne kalo he fakakite e aga fepalekoaki?
• ne hokotaki e gahua Kerisiano ha lautolu ke he fekafekauaga he fonua?
• ne nakai fakafili e tau matakainaga Kerisiano?
[Tau Huhu he Fakaakoaga]
[Fakatino he lau 25]
“Ko e haku a fakaalofa noa kua lata ia mo koe”
[Tau Fakatino he lau 26, 27]
Kua fiafia e tau motua ke he lalagoaga he falu ha lautolu ke lata mo e holoaga katoa he fakapotopotoaga
[Tau Fakatino he lau 28, 29]
Ka nakai ha ha i ai e hokotaki hau, to nakai katoatoa e hokotaki he lalolagi oti