“Ko e Mena Fakaalofa Uho Lahi Haau”

KO E puhala a ia ne fakamaama aki he alagavaka ne mua ke he taha vahā i Belgium e tohi Ko e Tagata Mua Ue Atu ne Moui. * Ne aahi atu fakakapitiga e tuutakaina ki a ia, ti talia he tagata tu tokoluga ia e lagaki he tohi. Magaaho fakamui, ne tohi e ia e tohi fakaaue: “Ko e aahi fakakapitiga haau kua aamohia lahi ki a au, ti mua atu e nava haaku ke he mena fakaalofa uho haau: ko e tohi ne hagaao katoatoa ke he ‘Tagata Mua Ue Atu.’”

Ne kitekite e alagavaka ne mua ke he taha vahā ke he tohi ti fakahiku: “Kaeke ke mua e fiafia he tau tagata ke he fekau he Evagelia ti fakagahua e tau matapatu fakaakoaga ha Iesu Keriso, to kehe lahi mahaki e lalolagi he vahā nei. Ti nakai lata mogoia a tautolu ke fai Security Council; po ke nakai fai fakamatakutakuina, mo e to nakai fakaatā e favale he lalolagi.” Pete he talahau kua tuga e manatu mohe miti anei, ne fakakite e ia e fakalilifu ma e gahua mitaki he katofia haana.

Ne matutaki e tohi: “Kua fakalataha a koe ke he matakau he tau tagata ne nava ki ai ha ko e aga kapitiga ne nakai molea po ke fakateaga e onoono atu ki mua ka ko e tau tagata kua talitonu ke fakaholo ki mua e tuaga he tau tagata mo e tau koloa.”

Kua talitonu e Tau Fakamoli a Iehova ko e gahua faka-Atua, nakai ko e tau laliaga he tagata, ka fakahiku ke tamai e lalolagi mitaki. Kua lali a lautolu ke fifitaki e tagata mua ue atu, ko Iesu Keriso. Kua aahi atu foou nakai e Tau Fakamoli a Iehova ki a koe? To liga olioli a koe ka tutala mo lautolu hagaao ke he tagata mua ue atu ne moui. Mo e fiafia a lautolu ke tutala mo koe ke he tohi ne fiafia lahi ki ai e alagavaka ne mua he taha vahā.

[Matahui Tala]