Ko e bibliomancy ko e hafagi fakahanoa he Tohi Tapu he talitonu ko e kupu fakamua ne kitia ne foaki e lagomataiaga kua lata he taha. Nakai kumi e tau Kerisiano mooli ke he tau fakamailoga fakataulatua. Ka kua fakaako e lautolu e Tohi Tapu ke moua e iloilo tonu mo e takitakiaga he Atua.​​—12/15, lau 3.

‘Ko e lalolagi’ ka mole atu ai, ko e lalolagi he tau tagata ne nakai fakatatau e tau momoui mo e finagalo he Atua. (1 Ioa. 2:17) To hao e fua lalolagi mo e tau tagata mahani fakamooli.​​—1/1, lau 5-7.

Ne vagahau a ia puhala he tua. Maeke ia tautolu ke fakaako ai mo e eketaha ke fifitaki e tua haana. Ko e fakafifitakiaga haana kua moui mo e fakalagalaga.​​—1/1, lau 12.

Hanei falu tuaga: Ko e ha tautolu a gahua tupe, fakahauhauaga mo e fakafiafiaaga kua fifili e tautolu, pipiki ke he tagata he magafaoa ne tuku ki tua, putoia ke he tau matini foou, tupetupe ke he malolō tino ha tautolu, hepe e onoonoaga ke he tupe, mo e kua uho lahi mahaki ki a tautolu e tau onoonoaga mo e tau tuaga ha tautolu.​​—1/15, lau 12-21.

Fakalilifu e Iehova e tau fekafekau fakatokolalo haana he fakamonuina e ia a lautolu aki e maamaaga he haana finagalo mo e fakafetuiaga tata mo ia. Kua fakalilifu a lautolu he moua e higoa mitaki mo e Atua mo e falu fekafekau foki he Atua, ti maeke ke amaamanaki lahi ke logona e lilifu mua ue atu he moua e moui tukulagi.​​—2/15, lau 25, 26.

Ne nakai fakaatā e Mose e pule malolō ke fakatokoluga ai a ia, ne falanaki a ia ke he Atua, nakai ki a ia ni. Nakai manako a tautolu ke fakaatā e pule malolō, po ke iloilo pauaki ke fakatokoluga a tautolu; ka kua manako a tautolu ke tua ki a Iehova. (Fakatai 3:5, 6)​​—3/1, lau 5.

Ne totoko malolō a lautolu ti lata ai ke utakehe e mena ne nakai talia ai e tau loto ha lautolu ke hiki​​—ha lautolu a tau manamanatuaga, tau logonaaga, po ke tau fatuakiloto kua totoko ke he Atua. (Iere. 5:23, 24)​​—3/15, lau 9-10.

Kua putoia e Kau Fakatufono, tau la komiti, tau leveki faifano, tau kau he tau motua, tau fakapotopotoaga, mo e Tau Fakamoli takitaha.​​—4/15, lau 29.

Fakakaupā ni e numera​​—ko e 144,000​—​ka momoui he lagi. Ko e laulahi ka fakaliu tu mai ke he moui he lalolagi, to amaamanaki ke moui tukulagi he lalolagi.​​—5/1, lau 6.

Nakai. Ne nakai latatonu faka-Tohi Tapu e tuaga he tagata matahavala ke moui he lagi. Ne moui a ia ko e tagata kolokolovao ti mate ko e tagata kolokolovao. Lafi foki, nakai maeke e tagata matahavala ke haia he lagi mo Iesu he aho ia ha kua haia a Iesu he tukuaga ke he tolu e aho. Ko e parataiso ne tutala a Iesu ki ai ko e Parataiso he lalolagi, ka pule a ia ki ai.​​—5/1, lau 11.

Nakai. Ne taute ai he falu motu i tuai ka e nakai taute pihia he tau Isaraela. Ko e tau tagata matahavala ne tamate fakamua, tuga he pinimaka. (Levi. 20:2, 27) Ti liga tautau hake e gati tino he akau ke eke mo hatakiaga ke he falu.​​—5/15, lau 13.