Kua totou fakamitaki nakai e koe e tau fufuta foou he Ko e Kolo Toko? Lali la mogoia ke kitia ko e maeke nakai a koe ke tali e tau hūhū i lalo:

Magaaho fe ne fakamatala a Iesu ke he “tau agaga ha he fale puipui”? (1 Pete. 3:19)

Tuga kua fai magaaho ai he mole e liu tu mai ha Iesu, ne fakapuloa e ia ke he tau agaaga kelea kua latatonu ni a lautolu ke moua e fakahala kua lata mo lautolu.​​—6/15, lau 23.

Ko e heigoa e tau fakaakoaga aoga kua fakaako ki a tautolu hagaao ki a Iehova mai he tau kupu he aposetolo ko Paulo ke he tau Luseta?

Fakamua, foaki mai e Iehova ki a tautolu e atāina ke fifili. Uaaki, manako a Iehova ke iloa e tautolu a ia. Toluaki, manako a Iehova ke fiafia a tautolu.​​—9/1, lau 9.

Magaaho fe ka fakafili e Iesu e tau tagata ko e tau mamoe po ke tau koti? (Mata. 25:32)

He magaaho ka hau a Iesu ke fakafili e tau tagata he magahala he matematekelea lahi, ka mole e moumou he lotu fakavai.​​—7/15, lau 6.

Magaaho fe he tau tagata mahani kelea ka tagi aue mo e konoi ha lautolu a tau nifo tuga ne talahau he fakataiaga he tau saito mo e tau titania? (Mata. 13:36, 41, 42)

To taute pihia e lautolu he magahala he matematekelea lahi, he mailoga e lautolu kua nakai hao a lautolu mai he moumouaga.​​—7/15, lau 13.

Magaaho fe ne fakamooli e tau kupu ha Iesu hagaao ke he fekafekau fakamoli mo e loto matala? (Mata. 24:45-47)

Ne kamata ke fakamooli he mole e 1914, ka e nakai he Penetekoso he tau 33 V.N. He 1919 ne kotofa e fekafekau fakamoli ke he tau fekafekau haana, ne putoia e tau Kerisiano oti kua fagai fakaagaaga.​​—7/15, lau 21-23.

Magaaho fe ne kotofa e Iesu e fekafekau fakamoli ke he tau mena oti haana?

Ke he vahā anoiha, magahala he matematekelea lahi he magaaho ka moua he fekafekau fakamoli e palepale he lagi.​​—7/15, lau 25.

Nakai tohi kia e higoa he falu tagata he Tohi Tapu ha kua mahani kelea po ke fakateaga lahi a lautolu?

Nakai lata a tautolu ke manamanatu pihia. Ne nakai tohi he Tohi Tapu e higoa he falu ne mitaki mo e falu ne kelea. (Ruta 4:1-3; Mata. 26:18) Ua ni e higoa he tau agelu fakamooli ne fakakite ki a tautolu.​​—9/1, lau 8.

Lafi ke he malolō mai he Atua, ko e heigoa ne lagomatai e 230 he Tau Fakamoli ke momoui he fenoga mai he kemuaga pagotā Sachsenhausen?

Pete ne lolelole ha ko e nakai fai mena kai mo e tatalu, ne matutaki a lautolu ke fakamafana e taha mo e taha ke fakatumau.​​—8/15, lau 18.

Ko e ha e tala ke he tau Isaraela ne o atu he Vailele ko Ioritana ke he Motu he Maveheaga kua fakamalolō ki a tautolu?

Pete kua tafe mafiti e vailele, taofi e Iehova e vai ke maeke haana tau tagata ke ō ke he taha faahi. Liga fakamalolō ai he mena ia ha lautolu a tua mo e falanaki ki a ia, ti atihake foki a tautolu ha ko e tala.​​—9/15, lau 16.

Ko e heigoa ne fakakite tumau he Tohi Tapu hagaao ke he tau lanu?

Ko e puhala ne fakaaoga he Tohi Tapu e tau lanu kua fakakite na maama he Atua e tau logonaaga he tagata ke he tau lanu mo e maeke e tau lanu ke lagomatai a tautolu ke manatu e tau mena.​​—11/1, lau 14-15.

Kua fakamooli fēfē he perofetaaga ia Mika 5:5 hagaao ke he tau iki mo e tau leveki mamoe he vahā nei?

Maama e tautolu ko e “tokofitu e leveki mamoe, mo e tokovalu e iki” ne talahau ia Mika 5:5 kua hagaao ke he tau motua ne kotofa ke he fakapotopotoaga kua fakamalolō e tau tagata he Atua ma e totokoaga anoiha.​​—11/15, lau 20.