TALI mai he 1992, ne kotofa he Kau Fakatufono e tau motua ne lotomatala mo e momotua fakaagaaga ke lagomatai e tau komiti i ai mo e fakakatoatoa e gahua ha lautolu. * (Kikite matahui tala.) Ko e tau tagata lagomatai nei, ko lautolu e ‘tau mamoe kehe,’ kua foaki e lalagoaga uho lahi ke he Kau Fakatufono. (Ioane 10:16) Ne ō a lautolu ke he fonoaga komiti he faahi tapu kua kotofa a lautolu ki ai. Ko e matagahua ha lautolu ke foaki ha vala tala kua lata mo e foaki e tau lagomataiaga. Ti ko e tau matakainaga he Kau Fakatufono ne taute e tau fifiliaga fakahiku, mo e lalago mogoia e lautolu ne lagomatai ke mailoga kua taute e tau mena ne fifili ki ai. Makai e tau matakainaga nei ke taute e tau matagahua ne kotofa ki a lautolu. Fenoga a lautolu mo e tau matakainaga he Kau Fakatufono ke he tau fonoaga pauaki mo e tau fonoaga he lalolagi katoa. Liga kotofa foki a lautolu ke ahiahi e tau la ofisa ko e tau hukui he matapatu ofisa.

Taha e matakainaga taane ne fekafekau ko e lagomatai tali mai he 1992 ne pehē, “Ka taute e au e tau matagahua ne kotofa ki a au, maeke he Kau Fakatufono ke hagaaki fakalahi ke he tau mena fakaagaaga.” Taha matakainaga taane foki ne fekafekau ko e lagomatai ke 20 e tau ne pehē, “Ko e lilifu ue atu ke he mena ne nakai manamanatu au ki ai.”

Kua tuku age he Kau Fakatufono e tau matagahua loga ke he ha lautolu a tau matakainaga lagomatai ti loto fakaaue ke he gahua malolō he tau matakainaga taane mahani fakamooli nei. Eketaha a tautolu oti “kia fakahelehele . . . a lautolu kua pihia.”​—Filipi 2:29.