Ko e Kupu he Atua ne Maama e Fakaliliuaga
“Ko e kupu he Atua kua moui ia.”—HEPERU 4:12.
TAU LOLOGO: 37, 43
1. (a) Ko e heigoa e kotofaaga ne tuku age he Atua ki a Atamu? (e) Tali mai ai, fakaaoga fēfē he tau tagata he Atua e mena fakaalofa he vagahau?
KUA tuku age e Iehova ko e Atua e mena fakaalofa he vagahau ke he tau tagata. He kaina ko Etena, ne age he Atua ki a Atamu e kotofaaga ke fakahigoa e tau manu oti. Ne fakahigoa e Atamu e tau manu takitaha aki e tau higoa kakano uho. (Kenese 2:19, 20) Tali mai, ne fakaaoga he tau tagata he Atua e mena fakaalofa he vagahau ke fakaheke a Iehova mo e tala age ke he falu hagaao ki a ia. He tau mogo kua mole laia, ne fakaaoga he tau tagata he Atua e mena fakaalofa nei ke fakaliliu e Tohi Tapu ke maeke he tau tagata tokologa ke fakaako hagaao ki a Iehova.
2. (a) Ko e heigoa e tau matapatu fakaakoaga ne muitua he tau tagata he Komiti he Fakaliliuaga Foou he Tohi Tapu he tau gahua ha lautolu? (e) Ko e heigoa ka fakaako e tautolu he vala tala nei?
2 Ha ha i ai totou afe e tau fakaliliuaga he Tohi Tapu, ka kua hakotika e falu mai he falu. Ke fakaliliu fakahako e Tohi Tapu, ko e Komiti he Fakaliliuaga Foou he Tohi Tapu Mataio 6:9.) (2) Fakaliliu e fekau fakamua he kupu ke he kupu ka maeke ai. Ka nakai maeke, fakaliliu e kakano hako. (3) Fakaaoga e vagahau ne mukamuka ke totou mo e maama. (Totou Nehemia 8:8, 12.) Ko e tau matapatu fakaakoaga nei ne tolu ne muitua he tau tagata fakaliliu he New World Translation ke he molea 130 e vagahau kehekehe. He vala tala nei, to fakaako e tautolu e puhala ka fakagahua e tau matapatu fakaakoaga nei ke he liliuaga fakafoou he 2013 he New World Translation mo e tau fakaliliuaga ke he falu vagahau foki.
ne fifili ke muitua ke he tolu e matapatu fakaakoaga aoga: (1) Fakaheke e higoa he Atua mo e fakaaoga lagaloga ai he Kupu haana tuga he liliuaga fakamua. (TotouTOHI TAPU NE FAKAHEKE E HIGOA HE ATUA
3, 4. (a) Moua i fe e tautolu e Tetarakaramatoni? (e) Ko e heigoa e tau fakaliliuaga loga he Tohi Tapu ne taute ke he higoa he Atua?
3 Ko e higoa he Atua kua hukui he tau matatohi Heperu ne fā ne fakahigoa ko e Tetarakaramatoni. Maeke a tautolu ke moua e Tetarakaramatoni he loga e tau tohi fakamau tuai, tuga e tau Tohi Vakai he Tahi Mate. Moua foki e tautolu he falu lagaki he Septuagint Heleni. Ne taute e tau lagaki nei he mataulu he 200 tau ato fai Keriso mo e matahiku he 100 tau he mole Keriso. Nava e tau tagata tokologa he mogo ne kitia e lautolu e puhala ne ha ha ai tumau e higoa he Atua he tau tohi fakamau tuai.
Nava e tokologa he mogo ne kitia ai e puhala ne ha ha ai tumau e higoa he Atua he tau tohi fakamau tuai
4 Maaliali ai, kua lata e higoa he Atua ke tū he Tohi Tapu. Loga agaia e tau fakaliliuaga ne nakai fakaaoga e higoa he Atua. Ma e fakatai, he ua laia e tau he mole e fakatoka mai he New World Translation of the Christian Greek Scriptures, ne fakatoka mai e liliuaga fakafoou he American Standard Version. Ko e fufuta he 1901 ne fakaaoga e higoa he Atua, ka ko e liliuaga fakafoou he 1952 ne nakai fakaaoga ai. Ko e ha? Ne logona hifo he tau tagata fakaliliu kua “hepe katoatoa” ai ke fakaaoga e higoa he Atua. Loga e fakaliliuaga he vagahau Peritania mo e falu vagahau foki ne taute pihia.
5. Ko e ha kua aoga ke fakaaoga e higoa he Atua he Tohi Tapu?
5 Aoga mooli kia kaeke ke fakamau he tau tagata fakaliliu e higoa he Atua po ke nakai? Ē! Ko Iehova ko e Tohia he Tohi Tapu ne manako ke he tau tagata ke iloa e higoa haana. Lata he tagata fakaliliu mitaki ke iloa e manako he tagata tohia, ti lata he mena ia ke lauia e tau fifiliaga he fakaliliuaga haana. Loga e kupu tohi ne fakakite kua aoga e higoa he Atua ti kua lata ke fakaheke ai. (Esoto 3:15; Salamo 83:18; 148:13; Isaia 42:8; 43:10; Ioane 17:6, 26; Gahua 15:14) Ti omoomoi he agaaga ha Iehova e tau tagata tohia Tohi Tapu ke fakaaoga lagaloga e higoa haana he tau tohi fakamau tuai. (Totou Esekielu 38:23.) Ti ko e mogo ne nakai fakaaoga he tau tagata fakaliliu e higoa he Atua kua nakai fakalilifu e lautolu a Iehova.
6. Ko e ha ne ono e higoa he Atua kua lafi ke he liliuaga fakafoou he New World Translation?
6 He vahā nei, loga atu foki e fakamooliaga kua lata a tautolu ke fakaaoga e higoa ha Iehova. Ko e liliuaga fakafoou he 2013 he New World Translation ne fakaaoga e higoa he Atua laga 7,216. Ono foki ne lafi atu mai he fufuta fakamua. Lima ai ne lafi ki ai ha ko e higoa he Atua kua moua laia ne tohia ke he tau Tohi Vakai he Tahi Mate. * (Kikite matahui tala.) Moua e tau mena lima nei ia 1 Samuela 2:25; 6:3; 10:26; 23:14, 16. Ko e mena ke onoaki ia Tau Fakafili 19:18 ne lafi ki ai ha ko e fakaako foki ke he tau tohi fakamau tuai ne mauokafua he Tohi Tapu.
7, 8. Ko e heigoa e kakano he higoa a Iehova?
7 Logona hifo he tau Kerisiano mooli e aoga ke maama e kakano katoa he higoa he Atua. Ko e kakano he higoa haana “To Fakamooli Ai a Ia ke he Mena Ia.” * (Kikite matahui tala.) He vahā kua mole, ne fakamaama he tau tohi ha tautolu e kakano he higoa he Atua he fakaaoga ia Esoto 3:14, ne pehē: “To Fakamooli Ai Au ke he Mena Ia ti To Fakamooli Ni Au ki Ai.” (NW) Ko e liliuaga fakafoou ne fakamaama na fakamooli e ia ko Iehova e tau mena ne fifili e ia ke taute ke maeke a ia ke fakakatoatoa e tau maveheaga haana. Ka e fakamaama he liliuaga fakafoou he 2013: “He liga putoia e higoa ha Iehova he manatu nei, nakai fakakaupā ni ke he mena ne fifili e ia ke taute. Putoia foki e mena kua fakamooli e ia ke tupu hagaao ke he tufugatia haana mo e tau mena ne fakakatoatoa e ia he finagalo haana.”
8 Fakatupu e Iehova e tufugatia haana ke fifili e mena kua manako a Ia ki ai. Ma e fakatai, ne omoomoi he Atua a Noa ke tā e vaka, eke a Pesaleli mo tagata talatalai pulotu, eke a Kiteona mo toa malolō, ti eke a Paulo mo misionare. Fai kakano mooli e higoa he Atua ma e tau tagata haana, ti ko e kakano anei he Komiti Fakaliliuaga Foou he Tohi Tapu ne putoia e higoa he Atua he fakaliliuaga nei.
9. Ko e ha kua aoga lahi mahaki ke fakaliliu e Tohi Tapu ke he falu vagahau?
9 Loga lahi e tau fakaliliuaga he Tohi Tapu ne utakehe e higoa mooli he Atua. Ka e fakaaoga e lautolu e mataulu “Iki” po ke higoa he atua tā he motu. Ko e taha anei he tau kakano pauaki ne logona hifo he Kau Fakatufono kua aoga lahi ke moua he tau vagahau oti he tau tagata e Tohi Tapu ne fakaheke e higoa he Atua. (Totou Malaki 3:16.) Ti kua fakaheke e higoa ha Iehova he tau fufuta he New World Translation molea 130 e vagahau.
FAKALILIUAGA MAAMA MO E HAKOTIKA
10, 11. Ko e heigoa falu mena uka he fakaliliu e New World Translation ke he falu vagahau?
10 Ha ha i ai e tau mena uka he fakaliliu e New World Translation faka-Peritania ke he falu vagahau. Ma e fakatai, ko e Fakamatalaaga 9:10 mo e falu kupu tohi. Ko e talahauaga nei kua mahani mau ke he falu Tohi Tapu Peritania foki. Ka e nakai maeke ke fakaaoga e kupu nei he tau vagahau oti ha kua laulahi e tau tagata totou he tau vagahau nei ne nakai iloa e kupu “Seoli” faka-Heperu. Nakai ha ha ai he tau tohi fakamaama kupu ha lautolu, ti falu ne manatu foki ko e higoa he motu a ia. Ma e tau kakano nei, ne fakaatā e tau tagata fakaliliu ke fakaliliu e kupu “Seoli” faka-Heperu mo e kupu “Hate” faka-Heleni ko e “Tukuaga.” Ko e fakaliliuaga hakotika anei ti mahino lahi e tohiaga.
fufuta Peritania ne fakaaoga e kupu “Seoli” faka-Heperu ia11 Ko e tau kupu Heperu mo e Heleni ma e “soul” ne uka foki ke fakaliliu ke he falu vagahau. He tau vagahau nei, ko e kupu ma e “soul” ne fa hagaao ke he aitu po ke taha mena ne toka e tino ka mate. Ke kalo kehe he maamaaga hepe nei, ne fakaatā e tau tagata fakaliliu ke fakaliliu e kupu “soul” fakatatau ke he kakano he kupu. Ko e fakamaamaaga he tau kakano kehekehe he kupu “soul” ka moua he apenetiki he New World Translation of the Holy Scriptures—With References. Ko e tau vala tala aoga hagaao ke he tau kupu Heperu mo e tau kupu Heleni ne tuku he tau matahui tala he liliuaga fakafoou ke mukamuka e tau kupu Tohi Tapu ke totou mo e maama.
Ko e komiti ne kumikumi ke he tau hūhū loga mai he tau tagata fakaliliu he Tohi Tapu he mogo ne taute e liliuaga fakafoou
12. Ko e heigoa falu hikiaga ne taute he liliuaga fakafoou he 2013?
12 Ko e tau hūhū mai he tau tagata fakaliliu ne fakakite e falu maamaaga hepe he tau kupu he Tohi Tapu. Ti, ia Tau Fakatai 27:17.
Sepetema 2007, ne fakaatā he Kau Fakatufono ke liu fakafoou e fufuta faka-Peritania. Ko e komiti ne kumikumi ke he tau hūhū loga mai he tau tagata fakaliliu he Tohi Tapu he mogo ne taute e liliuaga fakafoou. Ko e tau talahauaga faka-Peritania ne tuai kua hukui he tau talahauaga foou, ne fakamukamuka lahi aki e tau kupu ke totou mo e maama ka e tumau e hakotika. Ko e fakaliliuaga ne fitā he taute ke he falu vagahau kua lagomatai foki ke fakaholo ki mua e tau kupu faka-Peritania.—LAHI E LOTO FAKAAUE
13. Fēfē e logonaaga he tokologa hagaao ke he liliuaga fakafoou he 2013?
13 Fēfē e logonaaga he tokologa hagaao ke he liliuaga foou he New World Translation faka-Peritania? Ne loga lahi mahaki e tohi loto fakaaue he tau matakainaga ha tautolu ne moua ke he matapatu he Tau Fakamoli a Iehova i Brooklyn, New York. Tokologa ne logona hifo tuga e taha matakainaga fifine ne tohi: “Ko e Tohi Tapu ko e puha talihoe ne puke he tau koloa uho. Ke totou fakamahino e kupu ha Iehova he fakaaoga e liliuaga fakafoou he 2013 ka fakatatai ke he filifilia he tau koloa uho takitaha, nava ai ke he loga he tau vala, felauaki tonu, lanu, mo e manaia. Ko e tau Tohiaga Tapu ne fakamaama ke he vagahau mukamuka ne lagomatai au ke iloa mitaki a Iehova ne tuga e matua taane kua kaputi mai ki a au ka e totou e tau kupu mafanatia haana ki a au.”
14, 15. Fēfē e logonaaga he tau tagata hagaao ke he New World Translation he falu vagahau?
14 Ko e tau tagata ne nakai vagahau Peritania kua fakaaue foki ke he New World Translation. Ko e tagata taane motua mai i Sofia i Bulgaria, ne talahau hagaao ke he fufuta vagahau Bulgaria: “Loga e tau ne totou e au e Tohi Tapu, ka e nakaila totou e au e fakaliliuaga kua mukamuka lahi ke maama ti aamotia ke he loto.” Pihia foki, ko e matakainaga fifine Albania ne tohi: “Ko e fulufuluola ha ia e leo he Kupu he Atua ke he
vagahau Albania! Lilifu mooli ke vagahau a Iehova ki a mautolu he vagahau ni ha mautolu!”15 He tau motu loga, kua tauuka po ke uka lahi ke moua e tau Tohi Tapu. Ke moua e Tohi Tapu ko e monuina lahi! Ko e hokotaki mai Rwanda ne pehē: “Ke he vahā loa, tokologa e tagata ne kua fakaako mo e tau matakainaga ne nakai tupu ki mua ha kua nakai fai Tohi Tapu a lautolu. Nakai fahia a lautolu ke fakatau e Tohi Tapu he lotu ha lautolu. Ti mahani a lautolu ke nakai maama mitaki e kakano he falu kupu tohi ne fakatauhele e tupu ki mua ha lautolu.” He fai New World Translation ke he vagahau ha lautolu, ko e magafaoa mo e tokofā e fuata mui i Rwanda ne pehē: “Kua fakaaue mooli a mautolu ki a Iehova mo e fekafekau fakamoli mo e loto matala he foaki ki a mautolu e Tohi Tapu nei. Kua mativa lahi a mautolu ti ai fai tupe ke fakatau e tau Tohi Tapu ma e tau tagata takitaha he magafaoa. Ka e igatia a mautolu takitokotaha mogonei mo e Tohi Tapu. Ke fakakite e fakaaue ha mautolu ki a Iehova, kua totou e mautolu e Tohi Tapu ko e magafaoa he tau aho takitaha.”
16, 17. (a) Ko e heigoa ne manako a Iehova ma e tau tagata haana? (e) Ko e heigoa kua lata ia tautolu ke eketaha ke taute?
16 Ko e liliuaga fakafoou he New World Translation to moua foki ke he falu vagahau he tau mogo i mua. Lali a Satani ke taofi e gahua nei, ka e iloa e tautolu kua manako a Iehova ke he tau tagata oti haana ke fanogonogo ka e tutala a ia ki a lautolu he vagahau maama mo e mukamuka. (Totou Isaia 30:21.) Nakai leva “to puke e lalolagi ke he maama kia Iehova, tuga ne toka kua ūfia ke he puke tahi.”—Isaia 11:9.
17 Kia eketaha a tautolu ke fakaaoga e tau mena fakaalofa oti mai ia Iehova, putoia e fakaliliuaga nei kua fakaheke e higoa haana. Ti fakaatā a ia ke vagahau ki a koe he tau aho takitaha he puhala he Kupu haana. Maeke a ia ke fanogonogo fakamakutu ke he tau liogi oti ha tautolu. Ko e matutakiaga nei to lagomatai a tautolu ke maeke ke iloa lahi a Iehova mo e tupu tumau e fakaalofa ha tautolu ki a ia.—Ioane 17:3.
“Lilifu mooli ke vagahau a Iehova ki a mautolu he vagahau ni ha mautolu!”