“To . . . fakakite kia koe e puhala ke fano ai a koe.”​—Salamo 32:8

Ko e heigoa kua lata ia tautolu ke manamanatu ki ai ka manako ke mau?

• 1 Korinito 7:39; 2 Korinito 6:14

  Fakailoilo ke mau ni mo e tagata ne hagaaki e haana a moui ke fekafekau ki a Iehova.

• 1 Korinito 7:36

  Mitaki ke fakatali to mau ka mole e magaaho ne malolō lahi e tau manako ke he mahani fakataane mo e fifine.

• 1 Korinito 7:28

  Manamanatu fakamitaki ke he fakamauaga. Moua oti e tau fakamauaga he tau paleko.

“Kua nakai mitaki ke tokotaha e tagata; to eke e au māna e lagomatai ke lata mo ia.”​—Kenese 2:18

Ko e heigoa ne amanaki a Iehova ke he taane mo e hoana?

• Efeso 5:23; 1 Timoteo 3:1-7; 5:8

  Ko e taane ka takitaki e tapuakiaga magafaoa mo e leveki e hoana mo e fanau ke he tau koloa fakatino mo e tau logonaaga. Ko ia ka takitaki e fakaakoaga mo e akonaki e fanau.

• Tau Fakatai 31:10-31; Roma 7:2

  Ko e kapitiga mo e hoa mitaki e hoana ke he haana taane. Lalago e ia e tau fifiliaga haana mo e leveki e kaina. Lagomatai e ia e taane haana ke fakaako e fanau.

• Efeso 5:33; Filipi 2:4

  Ko e taane mo e hoana kua lata ke mua e levekiaga mo e fiafia he hoa haana.

“Ti eke ai a laua mo tino taha.”​—Kenese 2:24

Fakamalolō fēfē e fakamauaga ha tautolu?

• Tau Fakatai 3:5, 6; Mataio 19:6

  Manako a Iehova ke tumau e fakamauaga. Foaki mai e ia e fakatonuaga ne mua e mitaki ke lata mo e fakamauaga.

• Salamo 130:3; Kolose 3:13

  Kua lata e hoa ke fakauka ke he tau lolelole ha laua. Kua lata a laua ke fefakamagaloaki mo e kumi e tau mena mitaki he taha mo e taha.